Banting_Jun-Jul-1
Resepte

Stowe-groenbone met witpeper

Hierdie gereg was altyd op my ma se tafel, met aartappelblokkies en ’n stukkie skaapvet, wat dit lekker romerig gemaak het. Die witpeper is die geheime bestanddeel.

genoeg vir 6 – 8

  • 45 ml olyfolie
  • 45 ml botter
  • 2 uie, in repies gesny
  • 4 knoffelhuisies, fyngekap
  • 250 ml spek, grofgesny
  • 700 g kersietamaties, gehalveer
  • 500 ml witwyn
  • 400 g Franse groenbone
  • hand vol koljanderblare, fyngekap
  • sout en witpeper

Verhit olyfolie en botter tot warm in groot braaipan. Roerbraai uie, knoffel en spek 5 – 6 minute of tot goudbruin. Voeg tamaties en wyn by. Verlaag hitte en laat prut tot tamaties sag en pap is. Voeg groenbone by. BraaI 8 – 10 minute op lae hitte of tot groente gaar is. Roer koljander by. Geur goed met sout en witpeper. Sit warm voor.