sk1108chardonnay_1_
Resepte

Tongvis-normande

(2 PORSIES)

  • 12 steurgarnale
  • 500 ml chardonnay
  • 150 g klein sampioene
  • 2 tongvisse (sole)
  • 250 ml room
  • sout en varsgemaalde swartpeper na smaak
  • sowat 30 ml fyngekapte pietersielie

Maak die steurgarnale skoon deur die dop en dermkanaal te verwyder (hou die stertjie aan). Verhit die chardonnay in ’n diep pan tot kookpunt. Sit die steurgarnale in die wyn net tot hulle pienk word. Haal uit en hou eenkant warm. Sit die sampioene ook in die wyn en posjeer dit vir 5 minute. Haal uit en hou eenkant warm. Plaas nou die tongvisse ook in die wyn en posjeer vir 5 minute. Haal uit en hou warm eenkant. Verhoog die hitte, voeg room by en laat die sous afkook tot helfte van die volume, en dik. Geur
met sout en peper. Plaas die tongvisse op ’n bord en rangskik die sampioene en steurgarnale bo-op. Gooi
sous oor en besprinkel met pietersielie. Sit dadelik voor.

Om te drink
Die onderliggende karakter van Rhebokskloof se Chardonnay 2009 herinner aan botter en roosterbrood.
Die wyn is boonop houtverouderd en sal goed pas by dié gereg se ryk sous.