sr1002kos_7_
Resepte

Tuisgemaakte gnocchi en gebraaide bone

2 porsies

  • 2 aartappels, gekook tot sag, skil verwyder
  • 1 eier
  • 210 g (375 ml) meel, plus ekstra vir uitrol
  • sout en varsgemaalde swartpeper na smaak
  • 45 ml botter
  • 10 salieblare
  • 70 g boerbone, gedompel in kookwater, velletjies verwyder
  • 70 g groenbone, gedompel in kookwater
  • 70 g suiker-ertjies, gedompel in kookwater

Druk gaar aartappels deur ’n sif tot ’n fyn puree. Voeg eier en meel by en meng tot ’n hanteerbare deeg. Voeg nog meel by, indien nodig, totdat dit nie meer klewerig is nie. Geur goed met sout en swartpeper. Laat rus vir 20 minute. Verdeel deeg in 4 en bestrooi ’n oppervlak met meel. Gebruik jou vingerpunte en rol deeg in lang silinders uit, sowat 2 cm dik. Sny gerolde deeg in 2 cm lange gnocchi en hou eenkant terwyl jy die res uitrol. Kook ’n groot pot vol water en gooi gnocchi in. Sodra hulle dryf, is hulle gaar. Dreineer en hou eenkant. Smelt botter in ’n groot pan. Voeg salieblare by, gevolg deur bone. Braai vir 5 minute en voeg gaar gnocchi by. Braai vir 5 minute. Geur goed met sout en swartpeper. Sit warm voor.

Wenk
Besoek jou naaste deli as jy nie tyd het om self gnocchi te maak nie. Hulle hou won-derlike gnocchi aan wat byna net so lekker is.