Boekuittreksel - Bobotie (vir diabete)

Deur Hilda Lategan, SARIE KOS Winter 2009

Boekuittreksel - Bobotie (vir diabete) Foto’s: Micky Hoyle Galery

8 porsies

Porsiegrootte: 100 g

  • 10 ml olyfolie
  • 1 middelslag-ui, gekap
  • 1 kg gemaalde, maer beesvleis
  • 5 ml gemaalde gemmer
  • 15 ml matige kerriepoeier
  • 7 ml borrie
  • 1 ml witpeper
  • 7 ml sout
  • 60 ml (70 g) diabetiese appelkooskonfyt
  • 30 ml asyn
  • 15 ml Worcestersous
  • 2 dik snye bruinbrood
  • 4 suurlemoen- of lourierblare
  • 2 middelslag-eiers, geklits
  • 125 ml laevetmelk

Verhit oond tot 180 °C. Verhit die olie en roerbraai die ui tot dit deurskynend is. Voeg die maalvleis by en roerbraai tot die vleis verkleur. Roer al die speserye, sout, konfyt, asyn en Worcestersous by die gebraaide vleis. Week die brood in water en druk dan die water uit. Krummel die brood en voeg by vleismengsel. Roer om te meng. Skep die vleismengsel in ’n gesmeerde oondskottel en maak gelyk. Skeur die suurlemoenblare in die lengte deur of breek die lourierblare middeldeur en steek dit in die vleismengsel. Klits die eiers en melk saam en giet oor die vleis. Bak 35 – 40 minute tot die eiervla gestol is. Sit warm voor saam met geelrys, geelwortels met lemoensous en gewone gekookte groenboontjies.

Energie: 1 271 kJ

Koolhidrate: 13,9 g

Vet: 13,7 g

Glukemiese indeks: laag (52)

Uit: Suid-Afrikaanse kookboek vir diabetes en insulien-weerstandigheid 1, Hilda Lategan, Tafelberg Uitgewers, 2009

  • Assistent Lynnae Janse van Rensburg

Verwante artikels