Brosgebraaide calamari-slaai

Deur Herman Lensing

Brosgebraaide calamari-slaai Foto’s: Donna Lewis Galery

Kyk by jou supermark se bak-afdeling vir klaargemaakte broodkrummels, of gebruik sommer gister se brood.

(4 porsies)

  • 125 ml koekmeel
  • 150 g broodkrummels
  • sout en varsgemaalde swartpeper
  • 500 g calamari, skoongemaak
  • 2 eiers, liggies geklits
  • sonneblomolie vir diepbraai
  • 120 g slaaiblare van jou keuse
  • 200 g feta-kaas
  • 100 ml mayonnaise van 'n goeie gehalte
  • sap en skil van 1 suurlemoen

Meng koekmeel en broodkrummels. Geur goed met sout en swartpeper. Gooi calamari-stukke in broodmengsel en meng goed sodat dit oral bedek is. Haal uit mengsel. Doop in eier en dan weer in broodmengsel. Verhit olie tot warm. Braai calamari vinnig vir 5 minute of tot goudbruin en gaar. Dreineer op kombuispapier. Plaas slaaiblare en feta op opdienbord. Sit calamari-stukke op slaai. Skep mayonnaise oor en druk suurlemoensap bo-oor. Sit voor.

Wenk:
Ook ideaal as voorgereg. Sit net kleiner porsies voor. Jy kan calamari ook met stukkies vis vervang.

Verwante artikels

Kommentaar