Cannellini-bone-en-hoendersop met blaardeeg

Deur Barbara Joubert, SARIE KOS Winter 2009

Cannellini-bone-en-hoendersop met blaardeeg Foto’s: Micky Hoyle Galery

4 porsies

  • 4 ontbeende hoenderborsies, in stukkies gesny
  • 45 ml olyfolie
  • 1 ui, fyngekap
  • 3 knoffelhuisies, fyngekap
  • 1 blik (410 g) cannellini-bone, gedreineer 
  • 300 ml warm water
  • hand vol pietersielie, fyngekap
  • sout en varsgemaalde swartpeper na smaak
  • 2 pakke (2 x 400 g) bruinbroodmeel-blaardeeg
  • 1 eier, geklits

Braai hoender in olyfolie. Voeg ui en knoffel by en braai tot sag. Voeg bone, water en pietersielie by. Geur met sout en swartpeper. Skep die helfte van die mengsel in jou voedselverwerker en kap fyn. Gooi terug in kastrol saam met die res. Verhit oond tot 200 °C. Skep sop in oondvaste sopbakkies. Sny deeg in groot sirkels en plaas bo-op. Maak 2 gaatjies in die deeg van elke bakkie sodat stoom kan ontsnap. Verf geklitste eier oor deeg. Plaas op ’n bakplaat en bak vir sowat 25 minute.

  • Assistent Lynnae Janse van Rensburg

Verwante artikels