Coq au vin in 'n uur

Deur Barbara Joubert, SARIE - September 2007

Foto’s: Micky Hoyle Galery

“Coq au vin” is die Franse term vir hoender in rooiwyn gekook. Gewoonlik marineer jy die hoender oornag in rooiwyn, maar omdat die hoender reeds gaar is, trek die rooiwyn heerlik in die vleis in.

(4 - 6 porsies)

1 gaar hoender
15 ml olyfolie
10 ml botter
250 g repies spek, in blokkies gesny
sowat 10 salotte*
2 knoffelhuisies, fyngedruk
500 ml rooiwyn
250 g wit sampioene
1 lourierblaar
sout en vars gemaalde swartpeper

Sny die hoender in porsies. Verhit die botter en olyfolie in ’n oondkastrol. Braai die spek en salotte tot bruin. Voeg die knoffel by en braai vir nog sowat 3 minute. Sit die hoender en die res van die bestanddele by en geur met sout en vars gemaalde swartpeper. Laat stadig prut in ’n warm oond teen 180 °C vir 45 minute.

Sit voor saam met
Vars Franse brood.

*Pleks van uit een groot knol soos die gewone bruin-ui, bestaan ’n salot uit trosse kleiner knolle. Dis verwant aan ’n ui én knoffel, en het ’n unieke, matige smaak. Dis ontwikkel deur Du Toitgroente van Suid-Afrika. Ek het Engelse salotte gebruik vir die Spaanse hoender.

Assistent Lynnae Janse van Rensburg

Verwante artikels

Chardonnay-hoender

SARIE KOS Augustus / September 2011

Jy gaan basies ’n coq au vin maak – hoender in rooiwyn. Ek vervang net die rooiwyn met chardonnay, wat die gereg ’n heeltemal nuwe smaak gee. Dis dan nie so swaar nie.
Coq au vin - hoender in rooiwyn

SARIE KOS Herfs 2010