Franse bruin-uie-sop

Deur Herman Lensing, SARIE Julie 2010

Franse bruin-uie-sop Foto’s: Donna Lewis Galery

Seker een van die goedkoopste soppe, maar ook een van die lekkerste!

(4 porsies)

  • 50 g botter
  • 2 knoffelhuisies, fyngekap
  • 4 (600 g) bruin-uie, in dun ringe gesny
  • 60 ml meel
  • 250 ml witwyn
  • 2 liter goeie beesaftreksel
  • 5 takkies tiemie
  • 2 lourierblare
  • sout en varsgemaalde swartpeper
  • 1 Franse baguette
  • 100 g gruyère-kaas, gerasper

Smelt botter in 'n groot kastrol. Braai knoffel tot lig en deurskynend. Voeg uie by en verlaag hitte. Braai nou oor lae hitte vir 15 - 20 minute of totdat die uie bruin en sag is. Dis belangrik om nie haastig te raak terwyl jy die uie braai nie, want dis wat die smaak gee. Voeg die meel by en meng goed, gevolg deur die wyn wat jy laat wegkook. Voeg aftreksel, tiemie en lourierblare by. Verlaag hitte en laat prut stadig vir sowat 30 minute of totdat die vloeistof met die helfte verminder het en die sop begin verdik. Geur goed met sout en swartpeper. Gooi sop in 'n oondvaste opdienbak. Plaas baguettesnye bo-op sop en strooi die kaas oor. Sit onder warm oondrooster en rooster totdat kaas gesmelt is en brood begin verbruin. Sit warm voor met ekstra brood.

  • Assistent Melissa Pecoraro

Verwante artikels

Kommentaar