Gebraaide boerewors en kapokaartappels

Deur Barbara Joubert, SARIE KOS - Lente 2008

Gebraaide boerewors en kapokaartappels Foto’s: Micky Hoyle Galery

(25 minute - 4 porsies)

  • 8 groot aartappels, geskil en in kwarte gesny
  • 2 pakke dun boerewors van jou keuse
  • sonneblomolie om die wors in te braai
  • 40 ml botter
  • sowat 200 ml warm melk
  • sout en varsgemaalde swartpeper na smaak

Bring water in ’n kastrol tot kookpunt en kook die aartappels. Vorm agt klein spiraaltjies met die wors en ryg hulle op sosatiestokkies. Verhit ’n klein bietjie sonneblomolie in ’n pan en braai die wors-spirale daarin oor lae hitte tot gaar. Dreineer die aartappels wanneer hulle sag is. Druk fyn. Voeg die botter by en meng goed deur. Voeg nou net genoeg warm melk by om die gewenste dikte tekry. Geur met sout en swartpeper en sit voor saam met die wors.

  • Assistent Lynnae Janse van Rensburg

Verwante artikels