Geroosterde vark met kool-salsa

Deur Herman Lensing, SARIE - Februarie 2010

Foto’s: Donna Lewis Galery

Ek kan nou nog my ma se koolslaai proe! Hier kry dit nuwe lewe saam met varkvleis.

2 porsies

1 ontbeende varkrol
4 knoffelhuisies
30 ml olyfolie
sout en varsgemaalde swartpeper na smaak
1 groen appel
100 g wit kool, grofgesny
1 klein ui, fyngekap
1 brandrissie, fyngekap
15 ml suurlemoensap
15 ml witwynasyn

Verhit oond tot 200 ˚C. Gebruik ’n skerp mes en steek 4 gate onderin varkrol. Druk knoffel daarin. Sny vlak snytjies in bo-laag van varkrol en plaas op ’n bakplaat. Gooi olyfolie oor en geur baie goed met sout en swartpeper. Bak vir 30 minute, draai hitte af na 180 ˚C en bak tot gaar, sowat 20 minute.

Vir die salsa: Halveer appel en sny stronk uit. Sny in dun repies. Meng appel met kool, ui, rissie, suurlemoensap en asyn. Geur met sout en swartpeper. Haal vleis uit oond en laat rus vir 5 minute. Sny in skywe en sit warm voor met koolsalsa.

Wenk
Om seker te maak die vetlaag word lekker krakerig en bros moet jy genoeg sout oorgooi.

Assistent Lynnae Janse van Rensburg, Elsabé Dippenaar

Verwante artikels

Geroosterde varknek

SARIE KOS Somer 2010/11

Die wyn en aftreksel verseker dat die vleis nie uitdroog nie.
Ontbeende varkblad gestop met pruime

SARIE KOS Winter 2010

Die kombinasie van pruime en varkvleis is 'n wenner.
Salsa verde

SARIE KOS Augustus / September 2011
Tafel vir 2 - Spyskaart-idees vir Valentynsdag

SARIE - Februarie 2010

Valentynsdag is 'n dag om liefde vir mekaar te vier, te lag oor wat was en te deel oor wat nog kom! Maak kos met oorgawe en liefde, dit sal onvergeetlik bly. Herman dek 'n tafel vir 2
Varkworsrol met tamatie-blatjang

SARIE KOS Winter 2010

30 minute