Geroosterde varknek

Deur Barbara Joubert, SARIE KOS Somer 2010/11

Foto’s: Micky Hoyle Galery

Die wyn en aftreksel verseker dat die vleis nie uitdroog nie.

(6 - 8 porsies)

30 ml olyfolie
30 ml fyngekapte vars salieblare
2 knoffelhuisies, fyngekap
15 ml tamatiepasta
1 kg ontbeende varknek
sout en varsgemaalde swartpeper na smaak
250 g repiespek (streaky)
15 ml olyfolie
125 ml witwyn
125 ml hoenderaftreksel

Verhit oond tot 130 °C. Meng olyfolie, salieblare, knoffel en tamatiepasta saam. Geur varknek met sout en peper. Smeer tamatiepasta-mengsel om die vleis. Draai nek toe met spek en bind spek vas met tou. Verhit 15 ml olyfolie in 'n oondroosterpan op stoof. Braai nek rondom tot effens bruin. Voeg wyn en aftreksel by en bring tot kookpunt. Maak bak toe met tinfoelie en bak vir 3½ uur. Haal foelie af en rooster vir 30 minute. Haal uit oond en laat afkoel tot kamertemperatuur. Garneer met vars salieblare en sit voor met korrelmosterd.

Om te drink

'n sappige merlot of riesling as jy witwyn verkies

Assistent Melissa Pecoraro

Verwante artikels

Gerolde varklies

SARIE KOS - Somer 2008
Gerookte varkvleis en lensies

SARIE - Junie 2008

Ek het ’n vriendin wat, wanneer sy lekker eet, altyd sê dís min of meer waaroor die lewe gaan. Wel, dis wat ek oor dié gereg te sê het
Geroosterde vark met gebakte appels

SARIE KOS - Somer 2007

Hoe anders? Varkvleis en appels is soos vinkel en koljander. Die twee geure vul mekaar aan. Hierdie resep is eintlik vir die lui kok. Almal kry dae dat hulle iets moet voorsit om mense te beïndruk, maar nie die krag het om te kook nie.
Geroosterde vark met kool-salsa

SARIE - Februarie 2010

Ek kan nou nog my ma se koolslaai proe! Hier kry dit nuwe lewe saam met varkvleis.
Kreefstertjies

SARIE KOS Junie/Julie 2011

Dié gereg is eintlik glad nie kreef nie – die varkfilette lyk net soos kreefstertjies wanneer hulle toegedraai is in repies spek.
Ontbeende varkblad gestop met pruime

SARIE KOS Winter 2010

Die kombinasie van pruime en varkvleis is 'n wenner.
Port-varknek met droëvrugte

SARIE Augustus 2011

Die soet van die port en varknek werk perfek as kombinasie. Gebruik die oorskiet op toebroodjies of as vulsel vir voukos.