Groente-en-vis-pakkies
Foto’s: Donna Lewis Galery
Jy kan die pakkies reeds voor werk maak en in die yskas hou. Bak dit dan net wanneer jy by die huis kom.
(4 – 6 PORSIES)
30 MINUTE
- 200 g vars aspersies
- 250 g groenbone
- 125 g vars suiker-ertjies (sugar snap peas)
- 6 x 200 g-forelporsies
- 20 ml vars gemmer, fyngerasper
- 4 knoffelhuisies, gekap
- sout en varsgemaalde swartpeper
- 250 ml witwyn
- 80 ml botter
- suurlemoen-kwarte
Verhit oond tot 180 °C. Sny 6 velle bakpapier van 25 x 25 cm en verdeel papier tussen 2 bakplate. Verdeel aspersies, groenbone en ertjies gelykop en pak in middel van elke vel. Sit forel velkant na onder op groente. Sprinkel gemmer en knoffel oor. Geur goed met sout en peper. Lig teenoorgestelde kante van papier op en hou teen mekaar. Vou 3 keer om – sowat 1 cm – sodat dit stewig sluit. Vou ook die 2 oop kante toe, maar voor jy die laaste een toevou, gooi ’n bietjie wyn en ’n stukkie botter in elke pakkie. Bak 12 – 15 minute of tot die pakkie opgepof en die vis gaar is. Sit warm voor met suurlemoen.
- Assistent Jana van Sittert
Verwante artikels
-
Gebakte vis met aspersies
SARIE - Maart 2011
Dis die hoofgereg en jóú verantwoordelikheid.
-
Geroosterde salm-bruschetta
SARIE KOS - Lente 2008
-
Salm en kapokaartappel
SARIE KOS Junie/Julie 2011
Ons is lief vir salm, maar dis nogal duur en daarom eet ons dit nie meer as een keer ’n week nie.
-
Salm gerook met rooibostee
Die rooibos-geur trek heeltemal in die vis in en gee 'n definitiewe smaak.
-
Salmone con Pancetta
SARIE KOS Herfs 2009
Salmforel toegedraai in pancetta met lensies en jogurt
-
Tongvis-normande
SARIE KOS Augustus / September 2011
Maak die gereg vir spesiale geleenthede – dis ryk, en die kombinasie van die room en-chardonnay-sousmaak dit besonders. Die ander lekkerte is dat die seekos in die wyn geposjeer word – en dit gee dit daardie ekstra smaak.
-
Warm salm-amper-niçoise
SARIE KOS Herfs 2010
Kommentaar