Haring-en-appelslaai

Deur Barbara Joubert, SARIE KOS - Lente 2008

Haring-en-appelslaai Foto’s: Micky Hoyle Galery

Haring koop jy in supermarkte en deli’s. As jy nie haring-filette in die hande kan kry nie, kan jy ook rolmops gebruik. Dié slaai gaan oor die interessante kombinasie van bestanddele.

(4 porsies)

  • 4 haring-filette (jy kan natuurlik meer gebruik, bv. twee per persoon)
  • 4 rooi appels, in dun skywe gesny
  • 1 selderystok, in dun skyfies gesny
  • sowat 6 sprietuie

Jogurt-slaaisous

  • 300 ml griekse jogurt
  • 30 ml suurlemoensap
  • 2 knoffelhuisies, fyngedruk
  • sowat 6 grasuie, fyngekap
  • sout en varsgemaalde swartpeper na smaak

Rangskik al die bestanddele op ’n opdienbord. Meng al die bestanddele vir die jogurt-slaaisous goed saam en geur met sout en swartpeper. Bedien die sous apart in ’n bakkie sodat elke persoon kan besluit hoeveel om te gebruik.

Om te drink
’n Verfrissende vonkelwyn. Avondale het pas ’n organiese cap classique bekend gestel, die perfekte pasmaat vir dié slaai.

  • Assistent Lynnae Janse van Rensburg

Verwante artikels