Haring-en-appelslaai
Foto’s: Micky Hoyle Galery
Gepekelde haring is nogal suur. Die soet van die appel is heerlik daarby.
(4 porsies)
- 6 gepekelde harings
- 2 lang stokke seldery, in skywe gesny
- 1 groot sprietui, in skywe gesny
- 2 Star King-appels, in blokkies gesny met skil en al
- 125 ml crème fraîche
- 30 ml Bulgaarse jogurt
- 15 ml melk
- sout en varsgemaalde swartpeper
- 40 g roket
Sny harings in groot blokke. Sit in groot slaaibak saam met seldery, sprietui en appels. Meng crème fraîche, jogurt en melk. Geur met sout en peper. Gooi oor slaai en meng versigtig deur. Sprinkel vars roket oor.
Wenk
Nog ’n baie lekker kombinasie is haring en gekookte beet. Jy kan die resep hierby volg en blokkies gaar beet byvoeg. Onthou net dat die sous pienk gaan word.
- Assistent Melissa Pecoraro
Verwante artikels
-
Appel-en-koolslaai
SARIE KOS Feb/Mrt 2012
Almal ken fyngekapte koolslaai met wortel en rosyne. Ek het grootgeword met ’n koolslaai waarby altyd appel gevoeg is. Die soet van die appels werk goed saam met die effe bitter smaak van die kool.
-
Gepekelde haring met crème fraiche en beet bruschetta
SARIE - Januarie 2005
Bruschette is 'n wonderlike manier om mee te onthaal. Wat bo-op 'n bruschetta kom kan vooraf gemaak word en die meeste bestanddele kan jy klaar by deli's koop - en dis lekker veral in die vakansietyd.
-
Haring-en-appelslaai
SARIE KOS - Lente 2008
Haring koop jy in supermarkte en deli’s. As jy nie haring-filette in die hande kan kry nie, kan jy ook rolmops gebruik. Dié slaai gaan oor die interessante kombinasie van bestanddele.
Kommentaar