Hoenderpastei

Deur Herman Lensing, SARIE - Desember 2010

Hoenderpastei Foto’s: Ryno Galery

Geen familie-Kersfees sal volmaak wees sonder hoenderpastei nie. Hier is dit soos ek dit by my ma leer maak het.

(6 porsies)

  • 80 ml olyfolie
  • 4 knoffelhuisies, fyngekap
  • 2 uie, grofgekap
  • 2 suurlemoene, gehalveer
  • 2 heel hoenders
  • 500 ml groenteaftreksel
  • 45 ml botter
  • 250 g wit sampioene
  • 250 ml room
  • sout en varsgemaalde swartpeper
  • 500 g blaardeeg
  • 1 eier

Verhit oond tot 200 °C. Verhit olie in 'n groot pot. Voeg knoffel en uie by en braai liggies tot goudbruin. Druk halwe suurlemoene in hoenders en braai in warm pot tot goudbruin. Gooi hoenderaftreksel by. Maak pot toe en plaas in warm oond. Bak vir 2 uur of tot die vleis van die been loskom. Vlok vleis van karkasse af en hou eenkant. Gooi alle pansappe by gevlokte hoender. Verhit botter in 'n braaipan en braai sampioene tot goudbruin. Voeg hoender by en braai nog 5 minute. Gooi room oor en laat stadig prut tot mengsel dik en romerig is. Geur goed met sout en swartpeper. Gooi in 'n oondvaste bak van 30 cm. Rol blaardeeg uit en sny sowat 2 cm groter as bak se rand. Plaas op hoender. Sny woorde of vorms uit orige deeg en sit bo-op. Verf met eier en bak vir 25 - 30 minute of tot goudbruin. Sit warm voor.

Wenk: Onthou om die hoender lank en stadig te verbruin, dit sal sorg vir ekstra smaak.

  • Assistent Melissa Pecoraro

Verwante artikels

Kommentaar

  • Elmarie Terblanche het gesê:

    My mond water nou, ek gaan gou tandeborsel sodat ek my werk kan doen! Dankie vir heerlike resepte. E

    20ste Mar. 2012, 12:56

  • Henriette het gesê:

    Preie is van die ui family - 'n lang dun (maar dikker as grasuie) uistingel

    23ste Aug. 2011, 07:36

  • Dries het gesê:

    Al die resepte is baie lekker :)

    20ste Mei. 2011, 14:35

  • Lizel het gesê:

    Wat is preie

    9de Mei. 2011, 12:14