Krummelvis met kapok-aartappels

Deur Herman Lensing

Foto’s: Donna Lewis Galery

20 minute

(1 porsie)

4 aartappels, geskil
45ml botter
30ml melk
sout en varsgemaalde swartpeper na smaak
200g stokvis-filet, in die breedte in 1cm-repies gesny
60ml meel
1 eier, geklits
100g broodkrummels
750ml sonneblomolie vir diepbraai
1 suurlemoen, in kwarte gesny

Kook aartappels in water tot sag - sowat 15 minute. Dreineer, gooi botter by om te smelt en maak fyn met 'n aartappeldrukker. Gooi melk by en meng tot sag en romerig. Geur met sout en
swartpeper. Geur vis goed met sout en swartpeper. Bedek in meel, doop in eier en dan in krummels. Druk mengsel stewig vas rondom vis. Verhit olie in 'n groot pot tot baie warm. Gooi al die vis in olie en braai tot goudbruin en bros - so 5 - 8 minute. Sit warm voor met suurlemoenkwarte en kapok-aartappels.

Wenk: Jy kan die vis ook in die oond bak teen 200ºC tot goudbruin en gaar - dit neem sowat 15 minute.

Assistent Melissa Pecoraro

Verwante artikels

Gebraaide vis met warm aartappelslaai

SARIE KOS Lente 2009
Geroosterde pesto-stokvis

SARIE KOS Somer 2009/10

Dié gereg sal net so lekker wees met ontbeende hoenderborsies pleks van die vis. neem net 15 minute
Stokvis-bruschetta

SARIE KOS Des 2011/Jan 2012
Vis-en-tjips

SARIE KOS - Winter 2008

Jy hoef nie saans ure in die kombuis deur te bring nie - niks langer as 30 minute nie!
Witvis met swart olywe en saffraansous

SARIE KOS Lente 2009

Dis lekker met tuna, maar enige ferm vis is goed.