Lemoen-yskas-kaaskoek

Deur Herman Lensing, SARIE KOS Lente 2010

Lemoen-yskas-kaaskoek Foto’s: Donna Lewis Galery

Ek het dié kaaskoek leer maak toe ek nog in restaurante gewerk het. Jy kan dit aanpas nes jy wil - ek hou van sitrus.

(6 - 8 porsies)

  • 1 x 200 g-pakkie karamelgeur Mariebeskuitjies
  • 80 g botter, gesmelt
  • 2 velle gelatien
  • 100 ml yswater
  • 125 ml laevet-room
  • 275 g Bulgaarse jogurt
  • sap en skil van 1 suurlemoen
  • 130 g suiker
  • 80 ml water
  • 2 eierwitte

bo-laag

  • 2 lemoene, geskil en in dun skywe gesny

Verwerk beskuitjies in 'n voedselverwerker tot fyn. Voeg botter by en meng tot die tekstuur van klam seesand. Voer 'n tertpan van 30 cm met die mengsel uit en laat stol in yskas. Week gelatien-velle in yswater tot sag en gooi water af. Bring room tot kookpunt en voeg sagte gelatien by. Verwyder van hitte en roer tot gesmelt. Meng jogurt, gelatienmengsel, sap en skil van suurlemoen goed met 'n draadklitser in 'n mediumgroot mengbak. Sit suiker en 80 ml water saam in 'n mediumgroot pot. Roer tot gesmelt en bring tot kookpunt oor hoë hitte. Terwyl dit kook, klits eierwitte tot sagte punte vorm. Gooi warm suikerstroop stadig by terwyl jy klits. Klits tot mengsel koud is. Vou eiermengsel by jogurtmengsel in en gooi in tertkors. Sit in yskas om
te stol. Sit voor saam met lemoenskywe.

  • Assistent Melissa Pecoraro

Verwante artikels

  • Amandel-appeltert

    Amandel-appeltert

    SARIE Julie 2011

    Die Franse praat van frangipane – dis basies gelyke dele botter en amandels wat tot ’n heerlike gladde pasta gemeng word.

  • Engelkoek

    Engelkoek

    SARIE - Maart 2011

    Dié koek word net van eierwitte en meel gemaak. Dis baie lig en delikaat.

  • Kaaskoek met framboos-mascarpone-kaas

    Kaaskoek met framboos-mascarpone-kaas

    SARIE - Desember 2008

    Jou familie sal spesiaal voel as jy vir elkeen sy eie klein kaaskoekie bak

  • Kaaskoekterte

    Kaaskoekterte

    SARIE KOS Herfs 2010

    As jy 'n kaaskoek verkies wat nie so lank bak nie, kan jy dit verander in 'n kaaskoektert. Gebruik dan quiche-panne (rond of langwerpig). Die vulsel word gehalveer. Onthou om ook die quiche-panne op 'n bakplaat in die oond te plaas.

  • Karamel-kaaskoek-‘broodjies’

    Karamel-kaaskoek-‘broodjies’

    SARIE Oktober 2011

  • Kombinasie-kaaskoek

    Kombinasie-kaaskoek

    SARIE - Mei 2007

    Ek is mal oor kaaskoek en kan nooit besluit tussen die yskaskaaskoek of ’n gebakte kaaskoek nie. En hoekom nie altwee in een koek nie? Onthou om die vorige dag met die koek te begin.

  • Romerige gebakte kaaskoek

    Romerige gebakte kaaskoek

    SARIE KOS Herfs 2010 | Kommentaar: 2

    Dis die klassieke resep met 'n suurlemoengeur.

  • Sjokolade-kaaskoek

    Sjokolade-kaaskoek

    SARIE KOS Herfs 2010

    Dis baie ryk, maar as jy van sjokolade hou, sal dít geen probleem wees nie!

  • Swartkersie-kaaskoektertjies

    Swartkersie-kaaskoektertjies

    SARIE KOS Herfs 2010

    Die Duitsers is baie lief vir geblikte swartkersies in hul kaaskoeke. Fantasties!

  • Trio van nageregte

    Trio van nageregte

    SARIE KOS Augustus / September 2011

    As diabeet wil ek nie afgeskeep word met poeding nie. Vandaar die “trio van bessie”- nageregte. Ek sit dit in klein glasies of bakkies voor. Sodoende kan ek van al drie eet sonder om skuldig te voel, en my gaste dink dis fantasties.

Kommentaar

  • Tonia Küstner het gesê:

    Dit is wat ek gekry het Elize, shame, ek hoop nie dis te laat nie. ons moet hierdie resep probeer!!! "1 sheet gelatin = 2-3 g powdered gelatin, or approx 1 tsp. 3½ sheets = approx. 1 envelope Knox gelatin 4 sheets = approx. 1 Tbsp. powdered gelatin"

    2de Mar. 2011, 14:21

  • Tonia Küstner het gesê:

    hoeveel gelatine????? ek wil dit baie graag maak, maar het nie velle gelatine nie :(

    2de Mar. 2011, 14:09

  • Elize Pienaar het gesê:

    as jy nie velle gelatine het nie kan ek die korrel gelatine gebruik en hoeveel

    13de Jan. 2011, 11:54