Muesli-beskuit

Deur Barbara Joubert, SARIE KOS - Somer 2007

Muesli-beskuit Foto’s: Micky Hoyle Galery

Gebruik 'n broodpan van sowat 18 cm x 8 cm. Ek sny gewoonlik my beskuit in stukke – dis net makliker

Een broodpan
(18 stukke)

  • 500 g semelryke bruismeel
  • 2,5 ml sout
  • 250 g botter
  • 200 g suiker
  • 250 ml karringmelk
  • 1 eier
  • 2 koppies (2 x 250 ml) muesli

Twee broodpanne
(36 stukke)

  • 1 kg semelryke bruismeel
  • 5 ml sout
  • 500 g botter
  • 400 g suiker
  • 500 ml karringmelk
  • 2 eiers
  • 4 koppies (4 x 250 ml) muesli

Verhit jou oond tot 180 °C. Gooi die bruismeel en sout in 'n groot mengbak. Sny die botter in blokkies en vryf dit in die mengsel tot dit soos broodkrummels lyk. Sit die suiker en muesli by en meng goed. Klits die karringmelk en eier(s) saam. Voeg by die meelmengsel en meng goed. Gooi in gesmeerde broodpan(ne) en bak vir sowat 1 uur, of tot gaar. Toets met 'n toetspen en maak seker hy kom droog uit. Laat afkoel voor jy die beskuit in vingers sny. Sit die gesnyde beskuit op bakplate en laat vir sowat 8 uur teen 120 °C uitdroog. Ek droog gewoonlik my beskuit oornag in die oond uit.

Verwante artikels