Pasta met murgpampoentjies

Deur Barbara Joubert, SARIE KOS - Lente 2008

Pasta met murgpampoentjies Foto’s: Micky Hoyle Galery

(20 minute - 4 porsies)

  • 400 g tagliatelle-pasta
  • 30 ml botter
  • 2 knoffelhuisies, fyngekap
  • 8 murgpampoentjies, gerasper
  • 250 ml room
  • 100 g pecorino-kaas, gerasper
  • sout en varsgemaalde swartpeper na smaak

Kook die tagliatelle volgens die aanwysings op die pak. Terwyl die pasta kook, maak jy die sous. Smelt die botter in ’n pan en braai die knoffel daarin vir sowat 1 minuut. Voeg die gerasperde murgpampoentjies by en braai vir 5 minute. Gooi die room by en laat nét deurwarm word - die room moenie kook nie. Voeg driekwart van die kaas by en meng goed. Geur met sout en swartpeper. Dreineer die pasta en meng die sous goed deur. Bedien met die res van die kaas.

  • Assistent Lynnae Janse van Rensburg

Verwante artikels