Pannekoek

Deur Barbara Joubert

Pannekoek Foto’s: Micky Hoyle Galery

Vir my kom niks by pannekoek met kaneel-en-suiker nie.

(sowat 10 pannekoeke)

  • 240 g (430 ml) koekmeel
  • 10 ml bakpoeier
  • 2 ml sout
  • 2 eiers
  • 250 ml melk
  • 250 ml water
  • 12,5 ml suurlemoensap
  • 25 ml sonneblomolie en nog om pannekoeke in te braai

Sif droë bestanddele saam in 'n mengbak. Klits eiers tot lig en voeg melk, water, suurlemoensap en olie by. Meng goed. Maak 'n holte in die middel van droë bestanddele en voeg die vloeistof by. Meng en klits goed tot daar geen klonte is nie. Maak die bak met 'n lap toe en laat staan vir sowat 30 minute. Verhit sonneblomolie in 'n kleefvrye pan. Gooi van die olie af en vee die pan uit met kombuispapier. Skep met 'n groot lepel van die beslag in pan en wikkel die pan rond sodat die beslag die pan se bodem bedek. Sodra borreltjies bo-op die pannekoek vorm, kan jy die pannekoek omdraai. Plaas 'n groot bord op 'n kastrol met kookwater om die pannekoeke warm te hou. Sit die gebraaide pannekoek op die bord en besprinkel met kaneelsuiker. Sit 'n deksel
bo-op die pannekoek en braai die res van die beslag. Rol pannekoek op soos jy dit voorsit.

Kaneelsuiker

  • 200 g (250 ml) suiker
  • 15 ml fyn kaneel

Meng goed.

  • Assistent Melissa Pecoraro

Verwante artikels

Kommentaar

  • Mia van Taiwan het gesê:

    ai, baie dankie suster Sarie! hier is verre Taiwan is pannekoek nog nie wat ek sou noem 'n 'inheemse dis' nie... Maar as dit reenerig en koud is wil my Afrikaner-magie net eeen ding he, en dis pannekoek! Ek het sommer die resep dubbel aan gemaak, want tien ou pannekoekies sal mos nou nooit genoeg wees nie :) Ek, my baie dankbare man, Manie ons buurman en sy Taiwanese vrou Jasmine het behoorlik ons vingers af gelek. 'n lekker mince-vulsel en natuurlik ook pypkaneel en suiker... ai, hoe lekker home-sick is ek nou!! weereens dankie aan my kuber-vriendin, Sarie

    15de Mar. 2012, 13:35