Peer-en-bokmelkkaas-tertjies

Deur Barbara Joubert, SARIE KOS Lente 2009

Foto’s: Micky Hoyle Galery

Die klein peertjies wat jy hierin gebruik, is só oulik. Jy kry hulle net geblik. As jy dit nie in die hande kan kry nie, gebruik ’n stuk vars peer vir elke tertjie.

12 tertjies

2 velle (400 g elk)blaardeeg
200 g sagtebokmelkkaas, in skywe gesny
1 blik kleinpeertjies, gedreineer
2 eiers
250 ml room
30 ml grasuie (chives), fyngekap
40 g parmesaankaas, gerasper
sout en varsgemaalde swartpeper na smaak

Verhit oond tot 180 °C. (Ek het ou pannetjies wat aan my ouma behoort het, gebruik, maar jy kan kolwyntjie-pannetjies gebruik.) Voer gesmeerde pannetjies met blaardeeg uit. Verdeel bokmelkkaas tussen pannetjies en plaas ’n klein peertjie bo-op elkeen. Klits eiers, room, grasuie en parmesaankaas saam. Geur met sout en swartpeper. Gooi oor tertjies en bak vir 25 minute tot gaar.

Om te drink
Riesling − probeer Klein Constantia s’n.

Assistent Lynnae Janse van Rensburg

Verwante artikels

Beet-en-uie-tarte tatin

SARIE KOS Somer 2009/10

Tarte tatin is 'n onderstebo tert. Makliker om te maak as wat jy dink!
Camembert en brie met rooiwynstroop

SARIE KOS Herfs 2010
Kaasbord

SARIE - Desember 2010

Enige soort kaas is koning saam met heerlike ryp vye.
Kaaspoffertjies

SARIE KOS Somer 2009/10

Verpak dit mooi as geskenk - of geniet dit self!
Knoffel-en-kaas-rooikool

SARIE KOS vir mans 2010
Koue ertjie-en-kruisement- sop

SARIE KOS Somer 2009/10

'n Koue sop op warm dae is 'n lafenis, veral met die vars groen smaak van kruisement en ertjies. Voeg 'n bietjie sout by wanneer jy die ertjies kook om die groen kleur te behou. 4 porsies
Mascarpone-tertjies

SARIE KOS Herfs 2010

Dié tertjies herinner aan Portugese vla-tertjies. Die gekaramelliseerde pekanneute is opsioneel - maar dis heerlik én dit lyk mooi.
Patat-tertjies

SARIE - Mei 2010

Nie heeltemal soet nie, maar ook nie eintlik sout nie.
Spinasie-tertjies

SARIE KOS Somer 2009/10

Lekker vir middagete. 6 porsies