Roosgeur pavlova-slaai

Deur Lientjie Erasmus, SARIE KOS - Lente 2008

Foto’s: Micky Hoyle Galery

(6 - 8 porsies)

4 eierwitte
knippie sout
225 g strooisuiker
5 ml mieliemeel
10 ml rooswater
5 ml witwyn-asyn

Verhit jou oond tot 140 °C. Klits die eierwitte en sout tot dit stywe punte vorm. Voeg die strooisuiker lepel vir lepel by en hou aan met klits. Voeg die mieliemeel, rooswater en asyn by en klits goed. Voer ’n bakplaat of twee met bakpapier. Skep lepelsvol meringue op die bakpapier en vorm sirkels van sowat 8 cm groot en 3 cm dik. Bak vir 40 - 60 minute.

Roommengsel

300 ml room
180 ml versiersuiker
60 ml rooswater
pienk voedselkleursel
vars vrugte van jou keuse om te bedien

Klop die room styf en voeg die versiersuiker, rooswater en ’n baie klein bietjie kleursel by. Skep die roommengsel bo-op die meringue-sirkels en versier met gekapte vars vrugte.

Plek Summerfields
Produksie Barbara Joubert

Verwante artikels

Doen-dit-self-pavlova met roosroom en vars aarbeie

SARIE - Desember 2009

Sit sommer die bakke op die tafel en laat jou gaste elkeen hul eie pavlova maak. Die res is so maklik, jy kan ontspan en rustig saam kuier
Pavlova met nektariens gestoof in rooibostee

SARIE KOS Herfs 2010

In die Lente 2008-SARIE KOS het sjef Lienkie Erasmus dié pavlova gemaak. Dis heerlik maklik só met vrugte.
Peter de Wet se sjokolade-pavlova

SARIE KOS vir mans 2010
Rose vir die siel . . . en op die tong

SARIE KOS - Lente 2008

Voed jou innerlike op 'n roosplaas in Mpumalanga