Salmone con Pancetta

Deur Fortunato Mazzone, SARIE KOS Herfs 2009

Salmone con Pancetta Foto’s: Micky Hoyle Galery

Salmforel toegedraai in pancetta met lensies en jogurt

(2 porsies)

Visfilette  

  • 2 x 200 g Franschhoekse salmforel-filette 
  • 30 ml olyfolie  
  • hand vol gekapte pietersielie
  • sap van 1 suurlemoen  
  • 4 knoffelhuisies, fyngekap 
  • 2 groot snye pancetta-coppata 

Maak seker daar steek nie grate by die visfilet uit nie – verwyder dit met ’n haartangetjie. Marineer die salm in die olyfolie, pietersielie, suurlemoensap en knoffel vir sowat twee uur. (Maak die bak toe met kleefplastiek.) Verhit jou oond tot 250 °C. Haal die vis uit die marinade en draai elke filet toe in pancetta. Plaas die filette op ’n bakplaat en sit dit vir 5 minute in die warm oond.

Lensie-sous 

  • 60 ml olyfolie 
  • 400 g-blik lensies, afgespoel en gedreineer
  • ½ ui, fyngekap
  • sout en varsgemaalde swartpeper na smaak 
  • 10 ml witwynasyn
  • 15 ml olyfolie 
  • hand vol gewaste baba-spinasieblare 

Verhit die olyfolie in ’n pan en braai die lensies en ui vir sowat 2 minute. Geur met sout, swartpeper en asyn na smaak. Verhit die 15 ml olyfolie en voeg die spinasieblare daarby. Braai vir so 1 minuut en geur met sout en swartpeper. Sit ’n deksel op en laat staan vir so 2 minute.

  • Produksie Barbara Joubert en Danny Toüa

Verwante artikels