Sjokolade-en-pekanneut-muffins

Deur Barbara Joubert, SARIE KOS Herfs 2009

Foto’s: Micky Hoyle Galery

Jy kan ook kleiner pannetjies gebruik om meer uit te kry.

(6 groot muffins)

280 g (500 ml) koekmeel
65 g (160 ml) kakao
10 ml bakpoeier
knippie sout
100 g (125 ml) suiker
250 ml sjokolade-splinters
100 g pekanneute, grofgekap
330 ml melk
80 ml sonneblomolie
2 groot eiers
5 ml vanieljegeursel

Verhit jou oond tot 200 °C. Voer muffinpannetjies met papierhouers uit, wat jy met Spray & Cook spuit. Sif meel, kakao, bakpoeier en sout saam in ’n groot mengbak. Voeg suiker by en meng goed deur. Voeg sjokolade-splinters en pekanneute by. Klits melk, olie, eiers en vanielje saam. Vou dit in die meelmengsel in. Moenie weer roer nie. Verdeel die deeg in jou muffinpanne. Bak vir 20 – 24 minute tot gaar – toets met ’n dun pennetjie.

Assistent Lynnae Janse van Rensburg
In samewerking met Amanda Weber

Verwante artikels

Gesonde kos in die skoolkosblik

SARIE KOS - Somer 2007 | Kommentaar: 1

Vir baie kinders is dit tyd mors om te eet. Om te speel is mos meer pret! Dieetkundige Amanda Weber gee smullekker idees en onthou-feite om jou kind se kosblik interessant én gesond te maak
Muffin-gebak met preie en ham

SARIE KOS Augustus / September 2011

Die resep is soortgelyk aan dié van broodpoeding, maar die gereg is sout – en baie maklik om te maak.
Volkoring-en-dadelmuffins

SARIE KOS April/Mei 2011