Soetpatats

Deur Barbara Joubert, SARIE KOS - Winter 2008

Soetpatats Foto’s: Micky Hoyle Galery

Ek het klein patats gebruik, want Leipoldt sê jy moet die patats heel hou.

(4 - 6 porsies)

  • 1 kg klein patats
  • 100 g botter
  • 200 g suiker
  • 1 heel kaneelstok
  • sout na smaak

Skil die patats (en as hulle groot is, sny in groot stukke). Smelt die botter in ’n groot kastrol. Voeg die suiker by en hou aan roer tot die suiker gesmelt is. Kook die botter-suikermengsel tot ’n ligte karamel. Voeg die patats by en meng goed met die karamel. (Die karamel sal effens hard word wanneer jy die patats byvoeg, maar die vog in die patats sal dit weer loperig maak.) Voeg die kaneelstokkie by en geur met ’n bietjie sout. Stel jou stoofplaat op ’n lae hitte en sit ’n deksel op die kastrol. Moenie die patats roer nie, want dit kan uitmekaar val en jy wil dit heel hou. Skud so elke nou en dan die kastrol sodat die patats bedek word met die karamel. Kook die patats tot sag, maar moenie té lank kook nie - dit sal dan soos ’n moes word.

  • Assistent Lynnae Janse van Rensburg

Verwante artikels

  • Oondgebakte soetpatats

    Oondgebakte soetpatats

    SARIE KOS Winter 2010

    Dis die lui manier van patats maak - terwyl jy agteroorsit en ontspan.

  • Patats

    Patats

    SARIE - Desember 2010

    Bak dit stadig met baie heuning tot dit begin blink. Dit is immers Kersfees.

  • Wortel-en-patatkluitjies

    Wortel-en-patatkluitjies

    SARIE KOS Herfs 2010

    Dis byna dieselfde as om gnocchi te maak, maar hier vorm jy groter balle.