Spinasiepastei

Deur Nettie Pikeur, SARIE KOS - Somer 2007

Foto’s: Micky Hoyle Galery

Ai, dis darem 'n ou staatmaker vir vegetariërs

(4-6 porsies)

1 pak (400 g) bevrore blaardeeg
10-15 vars spinasieblare
2 uie, fyngekap
3 eiers, geklits
125 ml room
sout en peper na smaak
2 opgehoopte eetlepels parmesaankaas

Ontdooi die blaardeeg tot net hanteerbaar. Smeer 'n vlak tertbak met botter en rol die deeg rofweg daarin uit. Was die spinasieblare goed skoon en sny die wit stingels uit. Kook die spinasie sonder ekstra water in 'n kastrol tot net slap. Verwyder, laat afkoel en druk met jou hande so droog moontlik. Kap grof. Sit die spinasie in 'n mengbak saam met uie, eier, room, sout en peper. Die mengsel moet slap en nie te fyn wees nie. Skep in die tertdeeg en strooi parmesaankaas bo-oor. Bak teen 180 ºC vir 45 minute of tot tert gestol het. Sit warm, louwarm of koud voor.

Assistent Lynnae Janse van Rensburg
Produksie Barbara Joubert en Danny Toüa

Verwante artikels

Spinasie-tertjies

SARIE KOS Somer 2009/10

Lekker vir middagete. 6 porsies
Spinasiepastei met fillo-deeg

SARIE KOS April/Mei 2011
Uit my dorpsplaas-tuin

SARIE KOS - Somer 2007

“Tot jy smôrens in jou eie tuin kan rondloop terwyl die dou nog lê, en ’n kooksel beet blare en al uit die grond trek, het jy nog nie gelewe nie”