Tamarinde-skenkels

Deur Barbara Joubert

Foto’s: Micky Hoyle Galery

Eenvoudig wow! Dis maklik om te maak, maar gaste sal dink jy was heeldag voor die kospotte

4 – 6 porsies

4 lamskenkels
sout en varsgemaalde swartpeper na smaak
150 ml meel
50 ml sonneblomolie
250 ml warm water
125 g tamarinde-pasta
2 groot uie, in skywe gesny
4 knoffelhuisies, fyngekap
2 groot lourierblare
30 ml bruin sjerrie
15 ml heuning
2 ml wonderpeper (allspice)

Geur die lamskenkels goed met sout en swartpeper. Rol skenkels in die meel en skud oortollige meel af. Verhit olie in ’n groot kastrol en braai skenkels tot goudbruin. Verwyder van hitte en gooi oortollige olie af. Meng water met tamarinde-pasta. Voeg die uie, knoffel, lourierblare, bruin sjerrie, heuning en wonderpeper daarby en gooi oor die skenkels. Geur met sout en swartpeper en maak toe met ’n deksel. Laat prut vir minstens 3 uur tot sag. Jy kan dit ook vir 1½ uur teen 180 ºC in die oond sit.

Om te drink
Rickety Bridge Shiraz

Verwante artikels

Lamskenkel-kerrie

SARIE - April 2009

Moenie afgesit word deur die baie bestanddele nie – die meeste is speserye.
Lamskenkel-pasteie

SARIE KOS April/Mei 2011

Om die skenkels in pasteie te omskep is veral lekker as jy gaste het. Maak vir elkeen sy eie pastei. So nie kan jy een groot pastei maak.
Lamskenkels

SARIE - Junie 2008

As jy lekker groot lamskenkels kry, lyk dit soos ’n mini-lamsboud. Lank en stadig gekook en met ’n lekker sous is dit ideaal vir onthaal
Lamskenkels met kwepers

SARIE KOS Winter 2010

Moenie skrik vir die metode van skenkels gaarmaak nie - jy begin al die vorige dag om te verseker die skenkels is lekker sag.
Oondgebakte lamskenkel-kerrie met kwepers

SARIE Augustus 2011

Die kwepers kook sag en deurskynend en blink soos juwele in die son!
Osso bucco - kalf-skenkels

SARIE KOS Herfs 2010
Stadiggesmoorde Karoo-lamskenkel

SARIE KOS Somer 2009/10

Druk 'n kerfvurk in skenkel. As jy dit optel en die skenkel gly vanself stadig af, is dit gaar.