Tamatiesous (salsa di pomodoro)

Deur Barbara Joubert, SARIE - Augustus 2007

Foto’s: Micky Hoyle Galery

Kook hierdie tamatiesous en jou Italiaanse kookkuns is halfpad gewonne. Ek gee dit in twee hoeveelhede sodat jy genoeg het om te vries. En gebruik gerus geblikte tamaties.

(vir 500 ml)

30 ml olyfolie
2 uie, fyngekap
750 g geblikte heel Italiaanse tamaties
125 ml rooiwyn
40 ml tamatiepasta
40 ml vars gekapte basiliekruid of 5 ml droë basiliekruid
5 ml suiker
sout en vars gemaalde swartpeper na smaak (vir 1 liter)
60 ml olyfolie
3 uie, fyngekap
750 g geblikte heel Italiaanse tamaties
250 ml rooiwyn
80 ml tamatiepasta
80 ml vars gekapte basiliekruid of 10 ml droë basiliekruid
10 ml suiker sout en vars gemaalde swartpeper na smaak

Verhit die olyfolie in ’n groot kastrol. Voeg die gekapte uie by en laat stadig braai tot deurskynend en sag. Voeg die res van die bestanddele by en geur met sout en vars gemaalde swartpeper. Laat die mengsel stadig kook vir sowat 1½ uur met die deksel effens oop, terwyl jy dit elke nou en dan roer. Druk nou die sous deur ’n sif of gebruik ’n elektriese verpulper. Geur weer indien nodig.

Assistent Lynnae Janse van Rensburg

Verwante artikels

Beste pizza nóg

SARIE - Augustus 2007

Nes met enige ander Italiaanse gereg lê die lekker van ’n pizza ook in die tamatiesous. Ek onthou toe ek in 1982 laas in Italië was, kon jy ’n stuk van ’n groot pizza sommer op straat koop. Hier is my weergawe van só ’n staatmaker-pizza.
Cannelloni

SARIE - Augustus 2007

In my spysenieringsdae was dit die gereg wat ek die meeste moes maak. Ek het soos die “cannelloni-koningin” begin voel. Vandag maak ek dit nog gereeld wanneer ek onthaal. Ek maak gewoonlik my eie pasta, maar niks skort met gekoopte cannelloni-buise nie
Frikkadelle met tamatiesous

SARIE - Augustus 2007

Ek het ’n soortgelyke dis in Venesië geëet. Die frikkadelle is groot en word saam met pasta voorgesit.
Frikkadelle toegedraai in kool

SARIE - Augustus 2009
Ravioli

SARIE - Augustus 2007

Jy kan die resepte vir die pasta en die ricotta-en-spinasievulsel gebruik (sien onder). Halveer die pastadeeg en rol dit met ’n koekroller uit.
Tamatie-smeersous

SARIE - Oktober 2010
Tomates farcis (gevulde tamaties)

SARIE KOS vir mans 2010

Die tamaties met 'n vulsel van gegeurde varkmaalvleis en spek word 'n geurige rooi bal in die oond. "Die vol geur van die tamatie kom tot sy reg en die soet-suur smaak vul die varkvleis goed aan," sê Pieter.