Tuisgemaakte paaseiers
Foto’s: Donna Lewis Galery
Nog nooit was Paaseiers so lekker nie! Jy kan die vorms koop by SARIE se aanlynwinkel op sarie.com
Paasbederf met net 7 bestanddele.
(6 porsies)
- 200 g donkersjokolade, fyngekap
- 10 ml gelatien
- 30 ml water
- 400 g bevrore frambose
- 45 ml suiker
- 200 g witsjokolade, fyngekap
- 250 ml room
Smelt donkersjokolade in ’n glasbak oor ’n pot met kookwater. Verf gesmelte sjokolade met ’n koskwassie in die holtes van 12 halfeier-vorms. Plaas in vrieskas tot gestol. Herhaal die proses 3 maal. Week gelatien in water vir 1 minuut. Plaas frambose en suiker in middelslag-pot en bring tot kookpunt. Laat prut vir 5 minute. Verpulp in voedselverwerker en druk mengsel deur ’n sif. Voeg geweekte gelatien by terwyl mengsel nog warm is en roer tot gesmelt. As die mengsel te koud is, verhit dit ’n paar sekondes in die mikrogolfoond. Smelt witsjokolade en 50 ml van die room saam in ’n glasbak oor kookwater. Voeg by framboosmengsel en meng goed. Klits room tot sagte punte vorm en vou in. Verdeel tussen 6 van die sjokolade-holtes. Sit vir 2 – 3 uur terug in yskas om te stol. Haal versigtig uit vorms en sit leë sjokoladehelftes bo-op. Sit voor.
Wenk
As jy nie vorms kan kry nie, laat die mousse in klein bakkies stol en gooi gesmelte donkersjokolade oor net voor jy dit voorsit.
- Assistent Melissa Pecoraro
Verwante artikels
-
Confit-eend met groenbone
SARIE April 2012
Die Franse manier van eend gaarmaak is hemels. Deesdae kry jy eend en eendvet by al wat supermark is. Glo my, dis ’n moet op die tafel. Paasbederf met net 7 bestanddele.
-
Maklike rogbrood
SARIE April 2012
Ek laat die brood in ’n broodmandjie rys om die mooi patroon te kry.
Paasbederf met net 7 bestanddele.
-
Ontbeende lamsbladrol
SARIE April 2012
Lamsblad was altyd Paasfees op ons tafel. Probeer dié een. Ek weet lam is so ’n bietjie duur, maar dis darem ’n baie spesiale naweek.
-
Pangebraaide groenbone
SARIE April 2012
Braai die bone in die eendvet van die confit. Jou gaste sal vra vir nog!
-
Panzanella met oondgebakte tamaties
SARIE April 2012
Aandete terwyl die son sak.
Dié klassieke Italiaanse broodslaai kombineer ek met ’n caprese-slaai. Dis propvol smaak.
-
Paprika-aartappelwiggies
SARIE April 2012
Ligte namiddag-happie
Maak gewone aartappelwiggies interessant met gerookte paprika. Paasbederf met net 7 bestandele.
-
Parmesaan Broodstokkies met soetwyn
SARIE April 2012
Laataand-kaasbord
Die olywe lyk dalk baie, maar dís wat dit so lekker maak.
Paasbederf met net 7 bestanddele.
-
Platbrood-ontbytpizza
SARIE April 2012
Hierdie is ’n goeie manier om gaste te beïndruk. Alles op een bord, van brood tot kaas! Onthou om die deeg die dag voor die tyd by jou bakkery te bestel. Paasbederf met net 7 bestandele.
-
Roomys-stokkies met skop
SARIE April 2012
Nou hoef jy nie net skemerkelkies te drink nie, jy kan dit sommer eet!
Paasbederf met net 7 bestaddele.
Kommentaar