Umqa

Deur Kobus van der Merwe, SARIE KOS Junie/Julie 2011

Umqa Foto’s: Donna Lewis Galery

Stampmielies hou sy lyf risotto!

(4 – 6 PORSIES)

  • 2 middelslag- of 1 groot botterskorsie, in blokkies gesny
  • 45 ml olyfolie
  • 1 ui, gekap
  • 250 ml mielierys
  • 250 ml witwyn
  • 1 liter hoenderaftreksel
  • sout en varsgemaalde swartpeper
  • 45 ml botter
  • 1 hand vol salie
  • 30 g parmesaankaas, fyngerasper

Verhit die oond tot 180 °C. Pak die botterskorsie op ’n bakplaat, maak dit toe met foelie en bak dit vir omtrent 30 minute tot goudbruin en sag. Verhit die olyfolie in ’n middelslag-pan, voeg die ui by en braai dit vir omtrent 3 minute tot dit begin bruin word. Voeg die mielierys by en roerbraai dit vir ’n minuut.
Gooi die witwyn by en verhit dit tot kookpunt. Gooi nou die aftreksel lepel vir lepel by, soos met risotto, totdat als geabsorbeer en die mielierys sag is. Voeg die botterskorsie by en geur dit met sout en swartpeper. Verhit die botter in ’n klein potjie oor matige hitte. Wanneer dit ligbruin begin verkleur, voeg jy die salieblare by. Sit die umqa voor met die saliebotter en parmesaan en ‘n bier daarby.

  • Assistent Melissa Pecoraro

Verwante artikels

Kommentaar