Vars vye met bokmelkkaas-en-parmaham-slaai

Deur Barbara Joubert, SARIE - Desember 2008

Vars vye met bokmelkkaas-en-parmaham-slaai Foto’s: Micky Hoyle Galery

Vir ’n lang kuier-aand is dit lekker om ’n slaai ná die voorgereg voor te sit - veral die kombinasie van vye en parmaham

(6 porsies)

Slaai

Jy benodig

  • 8 vars vye
  • 160 g bokmelkkaas
  • 6 hande vol vars roket
  • 12 snye parmaham (2 snye per persoon)

Sny die vye in kwarte en die bokmelkkaas in skywe. Plaas ’n groot hand vol vars roket op elke bord. Rangskik die vye, parmaham en bokmelkkaas bo-op. Sprinkel slaaisous oor net voor jy die slaai opdien.

Slaaisous

Jy benodig

  • 60 ml olyfolie
  • 45 ml suurlemoensap
  • gerasperde skil van halwe suurlemoen
  • 1 klein uitjie, baie fyngekap
  • sout en varsgemaalde swartpeper na smaak

Meng al die bestanddele saam en geur met sout en swartpeper. Skud goed net voor jy die sous oor die slaai sprinkel.


Om te drink
Spar se Olive Brook Sauvignon Blanc

Verwante artikels