Volstruisfilette met rooibos-en-framboos-sous
Foto’s: Micky Hoyle Galery
Die kombinasie van smake is werklik heerlik.
- 500 g volstruisfilette
- sout en varsgemaalde swartpeper na smaak
- 50 ml olyfolie
- 250 ml rooibostee
- 40 ml bruinsuiker
- 10 ml mielieblom, aangemaak met 50 ml van die rooibostee
- 250 g bevrore frambose
Verhit oond tot 180 °C. Geur filette met sout en swartpeper. Verhit olyfolie in 'n pan en braai filette tot bruin aan elke kant. Plaas op bakplaat uitgevoer met tinfoelie (blink kant na onder)
en oondrooster vir 15 minute. (As jy van gaarder vleis hou, kan jy die filette vir nog 10 minute gaarmaak.) Haal uit en laat rus. Gebruik pan waarin vleis gebraai is en voeg tee en suiker by. Roer totdat al die suiker opgelos is. Voeg mielieblom-mengsel by en kook vir 5 minute tot verdik. Voeg bevrore frambose by en kook vir nog 2 minute. Hou eenkant. Sny vleis in dun skywe en skep sous oor. Sit voor met gebreekte aartappels.
Gebreekte aartappels
Dit lyk na baie olyfolie, maar dit trek alles in die aartappels in.
- 700 g Mediterreense aartappels
- 200 ml olyfolie
- sout en varsgemaalde swartpeper na smaak
- 30 g vars roketblare, grofgekap
Kook aartappels tot net sag. Gooi water af. Breek aartappels met 'n vurk en gooi olyfolie onmiddellik oor. Geur met sout en swartpeper en roer roket deur.
- Assistent Lynnae Janse van Rensburg; Elsabe Dippenaar
Verwante artikels
-
Afrika-beesvleis-kerrie
SARIE KOS Winter 2009
Ek hou veral baie van dié kerrie. Gebruik sommer geblikte tamaties en kekerertjies (chick peas)
-
Gekookte skaapboud met kappersous
SARIE KOS Somer 2009/10
Dit is ’n maklike en baie lekker manier om ’n skaapboud gaar te maak. Kook die boud in ’n kastrol met soutwater totdat dit gaar is. Seker ’n fout, dink jy. Maar, nee, jy kook die boud tot gaar.
-
Volstruissteak met balsemasyn
SARIE KOS Junie/Julie 2011
Kommentaar