Warm slaai van gebraaide kekerertjies en chorizowors

Deur Herman Lensing, SARIE KOS Junie/Julie 2011

Warm slaai van gebraaide kekerertjies en chorizowors Foto’s: Donna Lewis Galery

Sit dié gereg voor met kraakvars brood.

(2 PORSIES)
20 MINUTE

  • 45 ml olyfolie
  • 1 ui, fyngekap
  • 2 knoffelhuisies, fyngekap
  • 2 (225 g) chorizoworse, in ringe gesny
  • 1 x 400 g-blik kekerertjies (chick peas), gedreineer
  • 200 g kersietamaties, gehalveer
  • sap en skil van suurlemoen
  • 1 hand vol vars basilie
  • sout en varsgemaalde swartpeper
  • brood om mee voor te sit

Verhit olyfolie tot warm in medium-groot pan. Voeg uie en knoffel by. Braai vir 3 – 5 minute of tot goudbruin. Voeg chorizowors by en braai verder vir nog 5 minute. Voeg kekerertjies, tamatie, sap en skil van suurlemoen by. Braai verder vir nog 5 minute. Gooi basilie by en meng deur. Geur goed met sout en
peper. Sit voor met vars brood.

Wenk: Jy kan die chorizo vervang met enige ander wors van jou keuse soos boerewors of varkworsies.

  • Assistent Melissa Pecoraro

Verwante artikels

Kommentaar