Ystervarkies met koek-uit-die-boks

Deur Herman Lensing, SARIE - April 2010

Foto’s: Donna Lewis Galery

Ek's mal oor ystervarkies en kan nou nog die kerkbasaar s'n proe. Hier is 'n kortpad-manier met Ina Paarman se sjokoladekoek.Dis belangrik om die koek in warm stroop te doop sodat genoeg van die stroop intrek.

(20 ystervarkies)

2 bokse Ina Paarman's Kitchen Chocolate Cake Mix
60 ml kakao
375 ml water
600 g (750 ml) suiker
15 ml botter
5 ml vanieljegeursel
fyn klapper om koek in te rol

Verhit oond tot 180 °C.Volg aanwysings op boks, maar gooi die mengsel van albei koeke saam in 'n gesmeerde pan van 25 x 35 cm. Bak vir 60 minute of tot goudbruin en gaar. Laat afkoel. Gooi die res van die bestanddele behalwe die klapper in 'n pot en bring tot kookpunt. Kook vir 3 minute. Sny koue koek in 4 cm-blokke. Doop een op 'n slag 'n minuut lank elk in die warm stroop en rol dan in die klapper. Laat afkoel en sit voor.

Assistent Lynnae Janse van Rensburg

Verwante artikels

Pannekoek met vanielje-Pere en sjokolade-sous

SARIE Maart 2010 | Kommentaar: 1

As jy nie verjus het nie, gebruik 'n sauvignon blanc. Verjus is eintlik net wyn sonder alkohol, van groen druiwe gemaak.
Patat-en-sjokoladekoek

SARIE Augustus 2010 | Kommentaar: 2

Die soet van patat is heerlik saam met speserye en donkersjokolade.
Peer-sjokoladekoek met peer-tjips

SARIE KOS Lente 2009

Dis iets tussen ’n koek en ’n brownie, maar die groot lekkerte is die stukke peer daarin!
Sjokolade-brownies

SARIE KOS Somer 2009/10

Maak sowat 24 blokkies van 4 x 4 cm
Sjokolade-tiramisu

SARIE KOS Somer 2009/10

My weergawe van tiramisu - ek voeg gesmelte sjokolade bo-op by
Sjokoladesplinter-ystervarkies

SARIE September 2011

Meer dekadent kry jy nie maklik nie!