#SARIESondag

Dié #SARIESondag vier ons tapas, of in SA styl – deelkos!

Waaraan dink jy as jy “Sondag” hoor? Bes moontlik aan familie en vriende en ’n heerlike bord kos. Só dink ons ook by SARIE, en oor die volgende paar maande gaan ons jou in elke SARIE KOS en weekliks op SARIE.com bederf met ’n spesiale Sondagmiddagete-plan. Van A – Z!

In dié aflewering van ons opwindende nuwe reeks deel ons vandag die spyskaart en inkopielys sodat jy solank jou #SARIESondag kan beplan.

Sariesondag suidooster

Dié week se #SARIESondag is dit tyd vir tapas! Tapas gaan oor lekker eet en samesyn. So al geselsend skuif jou kuiermense van stoel tot stoel om die tafel en almal kry kans om tyd saam met álmal te bestee. Met dié Spaanse manier van eet word daar nie ’n hele maaltyd van voorgereg tot nagereg voorgesit nie, maar deurentyd aan iets kleins gepeusel. Tog ly niemand honger nie! In Suid-Afika praat ons sommer van deelkos.

Hierdie Sondag se spyskaart verg ‘n bietjie meer moeite, maar ons help jou met al die beplanning om dit vir jou en jou geliefdes ekstra spesiaal te maak…

As jy wonder waaroor al die bohaai gaan, lees HIER en luister ook wat sê Greta Pietersen, wat in Suidooster speel, oor haar Sondagherinnering.

En lees Tanya Fourie, SARIE.com se kosredakteur, se wenke vir ’n suksesvolle #SARIESondag.

 

Blaai deur die galery vir die resepte vir jou eerste #SARIESondag.

Tuisgemaakte wors sonder 'n masjien

Kry die resep hier

Gemarineerde baba-calamari

Kry die resep hier

Patat-tjips

Kry die resep hier

Gemarineerde olywe met feta

Kry die resep hier

Lamkoftas met kruisement-jogurt

Kry die resep hier

Platbrood met hoemoes

Kry die resep hier

Slaai met gebraaide spanspek en ham

Kry die resep hier

Croquembouche

Kry die resep hier

Hierdie week is daar twee opsies vir jou spyskaart – laai dit HIER en HIER af.

Swart en Wit Sondagmiddagete Spyskaart1 Swart en Wit Sondagmiddagete Spyskaart2

Inkopielys

Vleis
1 kg varkmaalvleis van goeie gehalte, 250 g spek, fyngekap, 1 skoon derm (bestel by jou slagter), 500 g lamsmaalvleis

Seekos
500 g bevrore of vars baba-calamari (tentakels en buise)

Suiwel
250 ml crème fraîche (suurroom), 250 ml Bulgaarse jogurt, 6 wiele feta,

Kruie en geur
1 brandrissie, hand vol Italiaanse pietersielie, tiemie, kruisement, vars koljander, 5 ml komynsaad, 5 ml fyn koljander, 5 ml kaneel, 5 ml gerookte paprika, 20 ml fyn komyn

Vars vrugte en groente
4 suurlemoene, 2 groot patats nog in die skil, 6 sprietuie

Ander
50 ml gerookte paprika | 20 ml rooipeper (cayenne pepper) | 5 ml fyn komyn | 10 ml gedroogde origanum | varsgemaalde swartpeper | 100 ml yskoue witwyn | 500 g swart en groen olywe | 2 x 400 g-blikke kekerertjies | 60 ml tahini-pasta | 100 g (210 ml) mielieblom | 100 g donkersjokolade, gesmelt |

Reeds in jou spens

Hout-kebabstokkies, botter, melk, eiers, sout en peper, kanola-olie (genoeg vir diep-braai), olyfolie, vanieljegeursel, uie, knoffelhuisies, hoenderaftreksel, witwynasyn, heuning, sagte bruinsuiker, strooisuiker, bruismeel, tamatiesous, worcestersous, blatjang, sojasous, koekmeel

Kry die nuutste SARIE KOS hier.

sarie kos pavlova vinnige kos