#SARIESondag

Maak gereed vir ‘n Delft-geïnspireerde #SARIESondag

Waaraan dink jy as jy “Sondag” hoor? Bes moontlik aan familie en vriende en ’n heerlike bord kos. Só dink ons ook by SARIE, en oor die volgende paar maande gaan ons jou in elke SARIE KOS en weekliks op SARIE.com bederf met ’n spesiale Sondagmiddagete-plan. Van A – Z!

In die eerste aflewering van ons opwindende nuwe reeks deel ons vandag die spyskaart en inkopielys om jou #SARIESondag solank te beplan.

Haal uit jou mooiste Delft-borde en vee blink jou eetgerei, want dié week hou ons dit tradisioneel met geroosterde lam en opwindende bykosse. Die sjokolade-stoompoeding is ’n moet!

As jy wonder waaroor al die bohaai gaan, lees HIER en luister ook wat sê Gerwen Simon, wat in Suidooster speel, oor háár Sondagherinnering.

Blaai deur die galery vir die resepte vir jou eerste #SARIESondag.

Oornagbrood

Kry die resep hier

Chorizomossels

Kry die resep hier

5uur-lamsbladrol met kruiesous

Kry die resep hier

Tamatie-mielie-en-spekslaai

Kry die resep hier

Rysgereg: Soetrissies en mielies

Kry die resep hier

Sjokolade-stoompoeding

Kry die resep hier

Môre is dit tyd om te dink oor jou tafel. Ons gee raad, wenke en wys in ’n maklike stap-vir-stap-video hoe om ’n tafel te skep wat by jou spyskaart pas. Plus die week se spesiaal ontwerpte spyskaart wat jy kan uitdruk.

Inkopielys

Vleis

1 lamsrib, ontbeen en gerol (vra jou slagter om dit te doen) | 500 g gerookte strepiespek (streaky bacon) | 325 g chorizowors

Seekos

1 kg swartmossels

Suiwel

375 ml karringmelk | 250 ml ongegeurde jogurt | 500 ml room | 4 wiele fetakaas

Kruie en geur

4 takkies vars tiemie | vars koljanderblare | 20 g pietersielie | 1 groen brandrissie | 60 ml fyn koljander

Vars vrugte en groente 

16 tamaties, verskeidenheid | 4 mielies | 100 g slaaiblare van jou keuse | 120 g frambose (raspberries) | 2 takkies vars roosmaryn

Ander

Koekmeel | 10 g kitsgis | 45 ml heuning | botteltjie gerookte paprika | 250 ml witwyn | 120 g (300 ml) kakao | bakpoeier | 300 g Bar-One-sjokolade | 40 ml rooiwynasyn | 500 ml rooiwyn | 500 ml lamsaftreksel

 
Reeds in jou spens

Hout-kebabstokkies, botter, melk, eiers, sout en peper, kanola-olie, olyfolie, vanieljegeursel, uie, knoffelhuisies, hoenderaftreksel, witwynasyn, heuning, sagte bruinsuiker, strooisuiker, bruismeel, tamatiesous, worcestersous, blatjang, sojasous

Kry die nuutste SARIE KOS hier.

sarie kos pavlova vinnige kos