FOTO Donna Lewis

FOTO Donna Lewis

#SARIESondag

Wenke vir #SARIESondag se kuier met kruie

Dié week se #SARIESondag vier ons geurryk, kleurryk … met kruie! Kruie is die parfuum van jou kombuis, en vir elke krui is daar ’n kos-pasmaat. Gebruik dit reg en jy is verseker van hemelse geure en ’n smaaklike ete.

Herman Lensing, SARIE se kosredakteur, deel sy wenke vir ’n suksesvolle #SARIESondag:

• Lus vir broodbak, maar nie tyd nie? Koop klaargemaakte deeg by jou supermark en gebruik dit vir die broodbakkie. Die geheim is om dit eers twee of drie keer te laat rys voordat jy dit uitrol – dit gaan bruiner bak én meer geur hê.

• Wanneer jy steak of enige groot snitte vleis gaarmaak, is dit belangrik om die vleis te laat rus voor jy dit voorsit. Die vleis ontspan en raak dan meer sappig.

• As jy nie tyd het om labneh-kaas te maak nie, kan jy ook dik roomkaas in balle rol. Dit gaan ryker smaak, maar dit sal dieselfde lyk.

• As jy met kruie kook en die resep vra vir vars kruie, maar jy het net gedroogde kruie, moenie dit net so met dieselfde hoeveelheid droë kruie vervang nie. Die smaak van gedroogde kruie is baie sterker en intenser as dié van varses.

• Plaas bosse vars kruie en klein skêrtjies op die tafel sodat gaste ekstra geur aan hul kos kan gee deur self takkies los te sny en in hulle kos te sit.

Kry die resepte en spyskaart wat jy kan uitdruk HIER.

Laai jou volledige inkopielys vir hierdie week se #SARIESondag af as ’n JPEG.

Idees vir jou tafel: