sr1112geskenke_kuier_9_
#SARIESondag

Wenke vir jou #SARIESondag: Kuier (en eet) lekker – sonder moeite

In ’n wêreld wat te vinnig beweeg, kan ons Sondae tyd neem om saam met geliefdes te kook en te kuier. Maar dit hoef nie baie werk te verg nie! Ons spyskaart is spesiaal gekies vir so min moeite as moontlik, maar vir ekstra lekkerte.

Tanya Fourie, SARIE.com se kosredakteur, deel haar wenke vir ’n suksesvolle #SARIESondag!

Wat is díe week op die spyskaart? Lees hier!

Blou-5377-Edit

Vir dié spyskaart kan jy lekker vooruit beplan. Dit is maklike geregte wat jy nou al kan begin voorberei – wat verseker dat jy die kuier saam met jou gaste kan geniet en jou nie te veel hoef te bekommer oor die kos nie!

•  Doen jou inkopies al vroeg Saterdagoggend en bederf jouself met ’n lekker koffie ná die tyd by jou gunsteling-restaurant.

•  Die roulade (voorgereg) kan jy letterlik met enige geure van jou keuse vul. Indien jy nie pesto wil gebruik maak nie, kan jy dit net ongegeur hou of dalk parmesaankaas byvoeg vir ekstra geur. As jy die vulsel wil vereenvoudig, kan jy vars kruie en roomkaas oorsmeer. As die forel effens duur is, kan jy dungesnyde ham as plaasvervanger gebruik.

•  Die bros lagie-aartappelgebak verg bietjie moeite en jy kan dit maklik reeds die Saterdag al voorberei. Weeg dit af oornag in die yskas (ons wys jou hoe in die resep) om die lagies saam te pers sodat dit mooi bymekaarbly vir diepbraai voor opdiening. (Sien resep.)

• Die sjokolade-malvalekker-koekies kan ook vroegtydig gebak word en in ’n lugdigte houer gebêre word.

• Neem kortpad met winkelroomys – die res van jou spyskaart is immers als tuisgemaak en met liefde voorberei.

Dek jou tafel vroeg Sondagoggend sodat jy net heerlik agteroor sit en die dag kan saamkuier sonder om verder moeite te doen.

Kry die volledige spyskaart én wenke vir die tafel HIER.

sr1001kosbloubessie_3_