Sariesondag suidooster lees nou
#SARIESondag

Wenke vir jou Tapas-tafel

Dié week se #SARIESondag is dit tyd vir tapas! Tapas gaan oor lekker eet en samesyn. So al geselsend skuif jou kuiermense van stoel tot stoel om die tafel en almal kry kans om tyd saam met álmal te bestee. Met dié Spaanse manier van eet word daar nie ’n hele maaltyd van voorgereg tot nagereg voorgesit nie, maar deurentyd aan iets kleins gepeusel. Tog ly niemand honger nie! In Suid-Afika praat ons sommer van deelkos.

As jy wonder waaroor al die bohaai gaan, lees HIER en luister ook wat sê Greta Pietersen, wat in Suidooster speel, oor haar Sondagherinnering.

Tanya Fourie, SARIE.com se kosredakteur, deel haar wenke vir ’n suksesvolle #SARIESondag:

  • Beplan jou spyskaart vooruit. Die spyskaart verg bietjie ekstra moeite en dit sal jou voorbereiding baie vergemaklik as jy jou beplanning reg het.
  • Lees deeglik deur al die resepte. Baie van die voorbereiding kan jy reeds die dag voor die tyd doen.
  • Dek jou tafel die aand vooraf of vra ’n geliefde om die tafel te dek terwyl jy kook.

WENKE VIR TAPAS

  • Hou ’n balans tussen vegetariese geregte, seekos, vleis en slaai.
  • Niks moet meer as twee happies groot wees nie sodat jou gaste aan alles kan peusel.
  • Sit genoeg brood op die tafel. Maak seker daar is ’n verskeidenheid, soos volkoringbrood, rogbrood, platbrood en meer eenvoudige brode soos ciabatta.
  • Moenie te veel warm happies kies nie, dit maak die lewe vir jou as gasvrou onnodig moeilik. Neem kortpad met winkelroomys en sjokoladesous.
  • Begin reeds die vorige dag met die geregte wat oornag gemarineer moet word. Die meeste geur word vasgevang as kos tussen 4 – 6 uur marineer.

Kry dié week se spyskaart HIER.

Dek jou tafel só:

En luister wat sê die talentvolle Greta Pietersen oor haar Sondagherinninge!

Hierdie week is daar twee opsies vir jou spyskaart – laai dit HIER en HIER af.

Waaraan dink jy as jy “Sondag” hoor? Bes moontlik aan familie en vriende en ’n heerlike bord kos. Daarom het ons begin met #SARIESondag! Lees meer oor ons veldtog.

Sariesondag suidooster