Scan 4
#SARIESondag

Wenke vir #SARIESondag – eet Mexikaans!

Hierdie week is dalk koud buite, maar in ons #SARIESondag-kombuis raak dinge warm! Kuier gesellig om die tafel met familie en vriende en eet lekker warm Mexikaanse kos. 

Tanya Fourie, SARIE.com se kosredakteur, deel haar wenke vir ’n suksesvolle #SARIESondag!

As ek aan Mexikaanse kos dink, raak ek dadelik lus vir nachos met baie kaas, suurroom en avokado-salsa … Ek voeg natuurlik bros spek en vars gekapte koljanderblare by vir ekstra lekker. Dit is nie die egte Mexikaanse manier nie, maar wie kan nee sê vir spek? Die Mexikane maak ’n dun kaassous wat hul oor die bros tjips gooi.

Wat is die week op die spyskaart? Lees hier!

Mexikaanse kos is die lekkerste kuierkos en maak jou warm van binne. Boonop is die bestanddele kleurryk in die grou winterweer. Hier is my 4 wenke vir die lekkerste #SARIESondag.

hal73

#1 Eet waarvan jy hou … Jy hoef nie altyd die resep presies te volg nie. Mexikaanse kos is nie noodwendig altyd warm brand-kos nie, maar dink meer daaraan as vars, geurig en uitdagend vir ’n nuwe smaaksensasie.

#2 Indien ’n resep sê gebruik swartbone en jy kry dit nie in die hande nie, gebruik gerus swartbekbone (black-eyed beans).

hal60

#3 Dek jou tafel kleurryk! Dis koud en nat in die meeste dele van die land en wat kikker jou gemoed meer op as kleur!

#4 Probeer iets anders! Meng jou eie droë speserye vir ’n unieke smaakkombinasie.

sk mexico 10.tif

 

Mexikaanse speserymengsel

(kry die inkopielys vir dié mengsel HIER)

30 ml gerookte paprika
• 5 ml brandrissievlokkies
• 15 ml kaneel
• 30 ml komyn
• 2 knoffelhuisies, gerasper
• 5 ml origanum
• 2,5 ml fyn naeltjies
• sap en skil van 2 suurlemoene
• 100 ml olyfolie

Wat is op die spyskaart? Lees hier!

Laai jou spyskaart HIER af.