Willie Esterhuizen verloor sy vrou aan kanker

SARIE - Februarie 2010

Willie Esterhuizen verloor sy vrou aan kanker Foto’s: Phyllis Green Galery

Akteur en regisseur Willie Esterhuizen (ook bekend as Vetkoekpaleis se Worsie) se vrou, Glen, is eergisteroggend aan kanker oorlede.

Sy was 'n professionele ballerina en sy was sowat 30 jaar met Willie getroud.

Glen Esterhuizen het 3 jaar gelede slukdermkanker gekry. Willie het in 'n onderhoud met SARIE oor die moeilike tye van Glen se kanker gepraat.

Die vervaardiger Pieter Esterhuizen, Willie se broer en vennoot, het gesê sy skoonsuster het drie jaar gelede slukdermkanker gekry.

"Die dokters kon dit tóé goed onder beheer hou, maar later het dit na haar longe versprei. Dit is een van die ironieë van haar lewe. Sy was in haar lewenswyse 'n gesondheidsfoendi. Sover haar gesondheid dit toegelaat het, het sy tot aan die einde nog aërobiese oefeninge gedoen en by die gimnasium gaan dans. Dit klink vreemd, maar ons is dankbaar (dat sy oorlede is), want dit het haar lydingstydperk verkort." - Pieter Esterhuizen, Willie se broer, op www.nuus24.com

Willie en Glen het drie kinders, Toby (28), Teya (26) en Telulla (22). Glen se roudiens word Saterdag in Johannesburg gehou.

(Bron: www.nuus24.com)

Verwante artikels

Kommentaar

  • Johan Potgieter het gesê:

    Willie ons is met jou in hierdie tye. Ons maak staat op jou programme om ons van ons eie probleme te laat vergeet, en kan nie sonder dit nie. Ons vergeet julle is mense net soos ons. My vrou word die afgelope 10 Jaar vir n baie skaars lewer kanker behandel. DANKIE DAT JY DEUR DIE SWAARKRY IN JUL EIE LEWE NOG STEEDS ONS MET HUMOR KAN LAAT VERGEET VAN ONS EIE. KAN NIE TV INDINK SONDER JOU HUMOR NIE

    23ste Feb. 2011, 18:40

  • Hettie het gesê:

    Willie, ons dink aan jou in hierdie moeilike tyd.

    8ste Feb. 2010, 11:58

Web Development by FormFunction