Hieroor praat mense

Veral dié Afrikaanse woorde word verkeerd gespel

Afrikaans, dit bly ’n hartstaal. ’n Beeldskone taal wat so lekker oor ’n mens se tong kan gly. Dink maar aan “trapsuutjies” of “beminde”, mooi woorde, eg Afrikaans. Maar o wee, soms kan die woorde tog so verkeerd gespel word. En dan lyk die woord sommer afskuwelik.

Prof. Gerhard van Huyssteen, beoordelaar in die gewilde kykNET-speletjiereeks Op die spel, het die woorde uitgesonder wat die meeste verkeerd gespel word.

“Uit ’n onlangse blitspeiling op Facebook het dit geblyk met watter 10 woorde mense die meeste sukkel,” het Van Huyssteen aan SARIE.com vertel.

En die 10 woorde?

10. parallelle

9. adres

8. weereens of weer eens (albei is korrek!)

7. professor

6. verrassing teenoor verassing

5. op pad (twee woorde)

4. huis toe (twee woorde)

3. komitee maar kommissie

2. onmiddellik

1. interessant

  • Annatjie Lombard

    Goeienaand, ek bevind ook dat die mense die woord – waardeer en waardeur verkeerd gebruik. Meeste van hulle het nie begrip wat die betekenis van die twee woorde is nie.