SKERMGREEP Youtube

SKERMGREEP Youtube

Hieroor praat mense

Twee pa’s kry ’n drieling

’n Drieling, met die DNS van albei pa’s, is in Julie gebore. Die gay paartjie, Theo and Christo Menelaou, het hul drie kinders met behulp van surrogaat-swangerskap gekry. 

Albei se sperm is gebruik, en die twee eierselle is elk deur ’n ander pa se DNS bevrug. Een van die eierselle het in twee verdeel en vir ’n identiese tweeling gesorg, berig The Telegraph.

Die Menelaous se twee dogtertjies en ’n seuntjie is prematuur gebore en elk het met geboorte skaars oor 1 kg geweeg. Een van die babas het nou ’n hartoperasie nodig.

Kyk die onderhoud hier:

In SARIE se Augustus 2016-uitgawe het Lydia van der Merwe gesels met Johan van Rooyen, wat as enkellopende ’n surrogaatbaba gekry het.

Hier’s ’n uittreksel van sy storie:

Vandat hy kan onthou, wou sielkundige Johan van Rooyen pa wees. En op 28 Junie is sy surrogaatbaba, Isabella, na sy ma genoem, gebore. Hy sien haar al glimlag.

As gay man en tans alleenloper het hy geweet dit gaan nie op die bytjies-en-blommetjies se manier gebeur nie. Op 30 het hy vasbeslote aan vriende gesê: “Hoe dit gaan gebeur, weet ek nie, maar binnekort is ek pa.” En nou, elf jaar later, is dit inderdaad so.

Oor die pad tussenin gesels hy gretig. Glad nie skaam om sy emosies te wys nie. Aanneming was aanvanklik ’n moontlikheid. Maar hy het besef hy sou laaste op ’n agentskap se lys van moontlike ouers beland.

’n Artikel oor surrogaatskap het sy kop in ’n ander rigting laat koers kies. Is daar werklik vroue wat bereid is om dit te doen? Dís mos die oplossing!

Surrogaatskap: Klinies en koud soos die proses klink, was elke treetjie daarvan vir hom gelaai met afwagting en vreugde. Angstigheid ook.

Lees die volledige onderhoud in SARIE se Augustus 2016-uitgawe.

rolene strauss augustus 2016

– Hierdie uitgawe is ongelukkig nie meer op die rakke beskikbaar nie. Maar kan aanlyn hier gekoop word.