Motors

Motor van die Maand

Statig, maar haastig!

Lexus GS 350

Groot, maar blitsig, stylvol, ruim en gemaklik. Die Lexus is nie verniet benoem as ’n finalis vir 2012 se SA Motor van die Jaar-wedstryd nie. Met dié 3,5 liter-V6-masjien kan jy enige tyd by die Mount Nelson Hotel se voordeur gaan stilhou. Die sesgang- outomatiese ratkas kan vinnig baie haastig raak. Ry-gerief is van die beste en veiligheidseienskappe, onder meer tien lugsakke, puik. Die bagasieruim het nog nooit van dieet gehoor nie; vier mense se bagasie pas maklik in. ’n Trukamera met gids-monitor en parkeerwaarskuwing, verhitbare wegvou-syspieëls, verstelbare leerbeklede stuurwiel met multifunksie-kontrole en togsnelheidsbeheer is van die eienskappe wat ’n kort of lang rit in die Lexus ’n plesier maak.