Motors

Teerpad-ikoon – BMW 3

Dit word as ikonies beskou, dié BMW 3-reeks sedanmotor: Stylvol en betroubaar, ’n goeie masjien, en luukse afwerking plus allerlei ekstras maak dié modelle begeerlike rygoed. Nou het die ontwerpers die ikoon ’n bietjie ge-Botox.

Die hoofligte, agterligte en sierrooster lyk sportiewer en brandstofverbruik is verbeter. Agter die stuur ervaar jy Duitse dinamika – goeie padhouvermoë, voorste tegnologie, gemakliker sitplekke as dié voor jou TV en die opsionele iDrive-stelsel (vir beheer van die radio en navigasie) – én ’n 80 GB navigasie-hardeskyf om ’n navigasiepadkaart en jou eie musiek op te laai. Al wat jy kort, is ’n vet tjekboek.

Die prys: Van R286 500  (320 i) tot R477 000 (335i).  

Besoek www.bmw.co.za

Die BMW 3 in detail. Kyk dié video.