Motors

Wiele vir ‘n avontuur

“Groot gunsteling van die Amerikaners,” verklaar hy. Ja, ek moet saamstem. Met dié robuuste ryding met sy viertrek-eienskappe kan ’n mens Botswana aandurf. En danksy die dakvenster (opsioneel) kan jy lekker vir die leeus loer en foto’s neem. Die Jeep het genoeg pakplek vir 4 mense, maar vir ’n lang vakansie in die boendoes sal ’n sleepwa of dakrak dalk nodig wees. Die sitplekke is gerieflik en dis binne ruim genoeg vir 5 volwassenes. Die afwerking is maar gewoon, maar die dieselenjin is op en wakker, wat pendel op die N1 vergemaklik. Die brandstofverbruik is 9.4 liter/100 km, volgens Jeep. Sal ék vir my een aanskaf? Dalk nie, maar my pyproker-man dalk wel. Prys: R404 900 (handrat)