Gaan na San Fancisco sê Hanlie Sheridan

Deur Marguerite van Wyk, SARIE Julie 2010

Foto’s: verskaf Galery

San Francisco in die Amerikaanse somer is hemels.

Ek en my ma, Liz Visser, ’n afgetrede huishoudkunde-onderwyseres, het haar enigste suster en my niggies daar besoek. Naas Kaapstad is dit my gunstelingstad.

Ons kon dié stad met sy bekende Golden Gate-brug ten volle (en te voet!) geniet.

Van ’n dagreis na die Mumms-wynkelder in die Napa-vallei, tot die Union Square-inkopieparadys in die hartjie van San Francisco met die kronkelende Lombardstraat en Pier 39.

Selfs die Alcatraz-tronk was die rit en die dollars werd. Geen besoek aan dié stad is natuurlik volledig sonder ’n rit op die antieke “trollies” nie.

San Francisco is vir my spesiaal omdat my geliefde niggie, Jolize Stofberg Gronbeck, ’n onkologie-verpleegster, daar woon en ek het dit dus as ’n nie-toeris leer ken en ’n ander “gevoel” daarvoor gekry. Dit het dieselfde rustigheid as Kaapstad. Benewens die groot hoeveelheid Starbucks-koffieplekke, is ’n “Dungeness Crab”-middagete by Pier 39 ’n móét.

En stop asseblief vir ’n dim sum in Chinatown – dis selfs lekkerder as dié wat ek in China geëet het.

’n Onvergeetlike reis!"


Die Golden Gate-brug	San Francisco

Verwante artikels

Hannie Bezuidenhout skryf uit Ithaca, Amerika

SARIE - April 2010

In die winter deel Hannie Bezuidenhout haar tuin met takbokkies, jakkalse en wilde kalkoene . . .
Neil Sandilands skiet film in Los Angeles - kyk die toneel

SARIE - Junie 2010

Neil Sandilands (7de Laan se Bart) spandeer onlangs heelwat tyd in Los Angeles. Daar het hy ook vir Esta TerBlanche raakgeloop, en soos Huisgenoot in April vanjaar berig het.