from_the_top
Lewe + Liefdes

Thea Sonnekus se nuwe lewe op Koh Samui, Thailand

Ek onthou nog hoe die hitte ons teen die bors getref het, toe ons by die klein, informele lughawe op Koh Samui afgeklim het. Hoe swaar die vreemdsoortige klanke van die taal op ons ore geval het. En die glimlagte … oral waar jy kyk. Ons was hier: ”The land of Smiles” soos Thailand bekend staan. Van daardie dag af het ons nog nie weer teruggekyk nie.

Waar woon en werk ons?

Koh Samui is hoofsaaklik gefokus op toerisme, dus is hier woonplekke te kus en te keur. Jy kan hier van die luuksste villa tot ‘n eenslaapkamer-woonplekkie ten volle gemeubileer huur. Ons huur ‘n pragtige drieslaapkamer-villa met die allernoodsaaklike swembad teen ongeveer R5 000 per maand. Ons het ‘n swembad-besigheid en aangesien dit nogal een van die belangrikste bederfies op die eiland is, kan ons gemaklik ‘n lewe maak uit ons verdienste.

Vervoer?

Die vernaamste vervoermiddel op die eiland is motorfietse en bromponies. Ons almal moes maar leer om die ysterperd-ding te doen. Helms is nie verpligtend nie en padreëls – wat is dit? Hier beteken ‘n sperstreep juis jy moet so vinnig as moontlik verbysteek. ‘n Algemene gesig is toeriste met hul “Samui Tattoo’s”, bestaande uit ‘n verband om die arm en die been.

Kommunikasie?

Aan die begin het ons gedink ons bevind ons in Boesmanland met al die k-klanke. Die taal is moeilik om te bemeester. Dieselfde woord word gebruik vir tot nege verskillende betekenisse. Dit hang af of jy dit sing, insluk, uitrek, sag of hard uitspreek en so aan. Gelukkig praat die meeste mense hier een of ander vorm van “Engrish”. Vir die res moet gebaretaal maar die ding doen.

Leefstyl?

Dis goedkoop om hier te woon. Die kos is natuurlik iets heel anders en bevat altyd rissies. Jy kan uiteet en tien rand vir ‘n maaltyd betaal. Ons het ook geleer wat minimalisme beteken. Hier verstaan mense nie dat jy in ‘n groot huis met ‘n klomp vertrekke wil woon nie. Jy kan tog net in een vertrek op ‘n slag wees. Ons het ook die minimum-klere en werk in elk geval in kortbroek en T-hemp. Skoene hou lank, want ons loop die meeste van die tyd kaalvoet. Hier moet ‘n mens jou skoene uittrek voordat jy by enige gebou ingaan. Dit is ook nie snaaks om tweedehandse skoenwinkels langs die pad te sien nie.

Tradisies?

Dit kan ‘n lang relaas word. Dis totaal verskillend as waaraan ons gewoond is en dan is hier boonop bygelowe ook. Mens kan maar net jou hand voor jou mond slaan. Ons is baie gelukkig hier op ons klein tropiese paradys. My oudste seun is intussen met die pragtigste en dierbaarste inwoner van die land getroud en ek kon nie vir beter gevra het nie. Alles in ag genome, was die “Long Walk to Freedom” toe presies dit. Ons skryf baie lekker aan die nuwe hoofstuk van ons lewensverhaal, toegevou in die heerlike warm sonstrale en glimlagte.

  • Celmari

    Klink vi my na di ideale blyplek!!

  • Gerda Bouwer

    Thea is ‘n trotse inwoner van ‘n wonderlike eiland.Ons was bevoorreg om hulle daar te ontmoet ook vier jaar gelede en van toe wou ek nog altyd terug gaan.Dit is waarlik alles soos sy die plek beskryf en nog beter!

  • Jilly Lundie

    Before I begin, I would like to say that I speak "Kombuis Afrikaans" maar ek kan beter verstaan as spreek. My man en ek het ook ongeveer Australia toe in 1998. Ons het Thailand vakansie 4 keur nou en ons gaan hierdie WONDERLIK mense in Koh Samui gaan ontmoet.

    Yes we are going to Koh Samui in August and am looking so very forward to meeting you and your family – LOVE YOUR STORY
    See you soon
    Jilly & Steve

  • Martie

    Wens ek kon die "Long Walk to Freedom" aanpak vir ‘n nuwe begin in my lewe en die deure agter my sluit.

  • Karin Botha

    Ek is een van Thea se vriendinne Karin van Bloemfontein. Ons het die geleentheid gehad om vir 2 weke by hulle Desember 2010 te kuier – wat ‘n belewenis. Die kos is werklik so goedkoop en so smaakvol. Dit was die vakansie van my lewe met sulke dierbare vriende en wat vir ons so baie opgeoffer het om ons na "Elephant Trekking" te neem, met die motorfietse, see – dit was idillies water warm soos dit altyd beskrywe word, op die boot uit, kajakking en nog vele meer. Enige een wat na Koh Samui toe gaan kan ek ook met vertroue aanbeveel.

  • MM

    Ons was ook daar, met vakansie so twee jaar gelede. Dit was werklik ‘n baie lekker plek en ons het dit net so geniet, hitte en al. Die lughawe is seker een van die mooiste lughawens wat ek nog gesien het. Buite in die opelug.
    Ons het die bromponies goed bemeester en heerlik verdwaal maar tog als gesien wat ons wou. Dit was vir ons ‘n baie lekker ervaring.

  • Faieda

    My viende en ek was daar in April/May en OMG, dit was die beste vakansie ooit! The kind people, the calm lifestyle, the FOOD and meeting people from all over the globe. Indeed a little bit of paradise! See you again in May Samui!

  • Rene

    Is daar werk, hoeveel word daar betaal. Wat kan ek daar doen.