Ons gunstelinge by die 2011 Emmy Toekennings

Die So You Think You can Dance? aanbieder, Cat Deely, se romantiese skepping van Monique Lhuillier het uitgeblink onder al die metaalkleurige rokke wat op die rooi tapyt te siene was. Haar rok was perfek afgerond met Bvlgari-juwele wat ongeveer R9,8 miljoen werd is!

Die aktrise van Glee, Jayma Mays, het soos ‘n feëprinses gelyk in haar Zahair Murad-rok met geplooide valle en moutjies van kant. Sy het die oulike nommertjie afgerond met ‘n prettige, helder pienk lipstiffe en sagte krulle.

Die Parks and Recreation-aktrise, Audrey Plaza, het ‘n wit rok van Juan Carlos Obando gedra wat sag en vleiend was. Dit is afgerond met identiese armbande aan beide arms wat ‘n perfekte balans skep.

Gewoonlik is bekendes bietjie skrikkerig om 'n rooi rok op 'n rooi tapyt te dra, maar hierdie jaar was daar baie wat dit gewaag het. Vampire Diaries se Nina Dobrev kry tien uit tien vir haar Donna Karan meermin-styl rok.

Kelly Macdonald, van die Boardwalk Empire-televisie-reeks, het ‘n interressante, geborduurde nommertjie gedra. Dié rok het ‘n baie slim uurglas-vorm wat vleiend en elegant is. Haar lang moue was ook in die kol. Aandrokke met moue is 'n groot modetrend.