• Tuis »
  • • • Isabella se blog: "Daar was 52 vrouens almal so mooi getooi, en hier kry ek stage fright in my eie huis!"

Isabella se blog: "Daar was 52 vrouens almal so mooi getooi, en hier kry ek stage fright in my eie huis!"

SARIE Augustus 2010

• Druk
•   15
• Pin It

Weskusnuus: Hond dra stééds haar eie leiband. Die bord lees dan: Dogs at all time on a leash.... So, sy dra dan die punt van die leash tussen haar gespotte pienk lippe.

Jip. Jy, jou flennie pajamas en erg sin vir humor! Not permitted. Daar kom 'n boete vir jou!

So ruk terug vra so klein fyn klei-kunstenaar van Durbanville met 'n klerewinkel in die Baan of ek, 'sans nes pajamas' (hie-hie, sy's die ander een op die strand in haar flenniebroek), sal praat oor aantrek.

Ai, liewe liewe vrou... soos ek destyds vir ds Izak vertel het, ek kan myself skaars aantrek. Wat nog van 'n volk?! Okay, okay.

So word die oggend gereël by my duinhuis. Vroegoggend is madam buite, tel honde-verrassings op, hark, verf gou 'n pot, bind servette vas. Eintlik fret ek net nog in klein animal-pompie-pantoffels toe stap daai eerste gas al tussen die turksvye deur!

Daar was 52 vrouens almal so mooi getooi, en hier kry ek stage fright in my eie huis!

Klink soos die titel van 'n boek!

Ek sit toe sommer op die trap tussen die boeke. En al wat ek dink is hoe steek ek my vetrol weg en wat gaan ek hulle vertel?

Laaaaang storie. Dit was 'n magic oggend met Rene van iKat in Langebaan. Sy's klein, plankie klein. Sy't geen boude, geen middel. En dan is daar Matilda van Melkbos, die groter vrou. So tuis in haar lyf. Sy't borste, en heupe en 'n 'derriere'. So trek ek al die verskillende lywe aan in leggings, onnerokke en laag op laag op laag. En die wenner was Matilda! Nou't ek 'n plan, moet hom net eers aan die rol sit.

Dis die nuwe kantoor met die view wat my so heeltyd laat voel jy moet dinge doen. Jy kan nie net heeltyd staar na die skepe daar buite Saldanha nie, jou skip is nog in aanbou, nog nie eers op die see nie! Ek smile net weet hy gaan kom!

Daar's kosmark in Vredenburg die Saterdag. Vroegoggend help Rosy, die sekuriteitswag my altyd om die tafels uit te sit en die tafeldoeke oor te gooi. En so net na half nege kom Tannie Alida en lede van die Sardientjie-klub van Saldanha met hulle panne en gasstoofies om pannekoek te begin bak. Dan kom Oom Louwtjie wat vir ons op sy trekklavier speel. Een vir een word die tafelsvol, daar word drukke uitgedeel en bietjie geklets onder mekaar. Kaas word geruil vir chilli-sous, hoenderpastei vir 'n bakkie pere in rooiwyn, en so jy gaan eintlik huistoe met 'n hele boks vol groceries - als geruil!

So gepraat van kos, hier's die viskoekie-resep. Toe ek vir Jennifer bel en vra om die resep te gee, het sy my vinnig herinner hoe ek, Beeeela en Miss Pauline (Pauline Schreuder) eintlik haar hele resep so veranner deur nog dit en nog dat by te sit dat dit nou nogal 'n fancy resep is!

Arme Dowie het Saterdag kom tuinmaak en die moes maar viskoekie na viskoekie proe tot ek thumbs up gekry het.

Sommer heel nuwe respek vir my maaikie (ons is selfverklaarde familie) Carmen Niehaus gekry....hoe slim is die mense nie! Hulle weet 'n knippie is 'n kwart teelepel...ek moet dit gaan meet!!!

Nuuskierig klink altyd soos NOMMER ASSEBLIEF. Ek hou van WIL WEET. En dis juis van Wil Weet dat Liza en Annette van Hermanus 'n nuusbrief NOSY ROSY begin het......dit gaan na 16 000 lesers elke maand en kry 140 000 hits 'n maand!!! Nou is daar 'n weskus armpie aan die Overberg suksesstorie. Gaan loer gerus op www.nosyrosy.co.za.

Net voor ek die laaste komma en punt insit, die foto is die anner lid van die duinfamilie, Emma. Sy's 13 en het al 'n hele paar weskus-enkels gaatjies in gebyt.....

Lekker Vrouedag! Hoop dit word sommer 'n extended luukse, soos oomblikke van magic elke dag van die jaar.

Tot 'n volgende gesels

Isabella.

Verwante artikels

• 

  Bella se blog: As jou verjaardag begin wink...

  SARIE Augustus 2010 | Kommentaar: 16

  Dis einde Augustus en jaar ná jaar vergeet ek van die wind en die reën ... en vergeet lekker geriefliksheidsonthalwe hoe gejaagd my siel dié tyd van die jaar voel. Wow, vier maande en dis Xmas!

• 

  Isabella se blog: "Dis 'n lekker lewe díé"

  SARIE - November 2010 | Kommentaar: 8

  Moments of Magic elke dag! Dit is altyd my wens aan almal.....mag jy toegegooi word onner hulle. En as hulle nie self daar is, you create them girl!

• 

  Isabella se blog: "Ek's 'n jaar ouer, maar net klein bietjie wyser"

  SARIE September 2010 | Kommentaar: 15

  "Hello, hier's ek terug, 'n jaar ouer en jammer om te erken, net klein bietjie wyser. Maar, ai, wat 'n wonderlike partietjie het twee dreadlock-koppe vir my gegee!"

• 

  Isabella se blog: "Ek's Queen of the Dune!"

  SARIE - Oktober 2010 | Kommentaar: 7

  Dis sesuur innie oggend en so met die intrapslag in my kantoor met die view smile ek en onthou: ek's Queen of the Dune!

• 

  Isabella se blog: 'n Bruilof op die duin

  SARIE - Oktober 2010 | Kommentaar: 25

  It’s a wedding madame!

• 

  Isabella se blog: Choices choices!

  SARIE - November 2010 | Kommentaar: 11

  Ai ai. Ná ‘n week van kosmaak en konsert-hou is my bene en heupe seer en kom karring daai vraag van terug stad toe, terug na ‘n vaste "day job" so in my kop.

• 

  Isabella se blog: Hier gesels ek alweer!

  SARIE Augustus 2010 | Kommentaar: 21

  My wonnerlike vriendin van amper 30 hele jare, Annalize Bosch bly op Paternoster saam met haar juweel van ‘n man, Arnold Hoon.

• 

  Isabella se blog: Nóg 'n verjaarsdag storie

  SARIE September 2010 | Kommentaar: 10

• 

  Isabella se blog: Pandora se boks en my klein seuntjie...

  SARIE - Oktober 2010 | Kommentaar: 9

  Vroegoggend is dit hemels hier. Als is stil. Geen wind, of stemme nie. Net die see.

Galery

• 
• 
• 
• 
• 
• 
•